ಸೋಮವಾರ ನಿಮ್ಮ ರಾಶಿಯಲ್ಲಿ ಯಾರಿಗೆ ಶುಭ-ಯಾರಿಗೆ ಲಾಭ : ಇಲ್ಲಿದೆ ರಾಶಿಫಲ

ಮೇಷ: ಬಹುದಿನಗಳ ನಂತರ ನ್ಯಾಯಾಲಯದ ಪ್ರಕರಣಗಳು ಇತ್ಯರ್ಥಗೊಂಡಾವು. ಸರಕಾರಿ ಕೆಲಸಕಾರ್ಯಗಳು ಸುಲಭವಾಗಿ ಸಿದ್ಧಿಯಾಗಿ ಸಮಾಧಾನವಾಗಲಿದೆ. ಯಾವುದೇ ರೀತಿಯಲ್ಲಿ ಆದಾಯದಲ್ಲಿ ಕೊರತೆ ಕಾಣಿಸದು.

ವೃಷಭ: ಪ್ರವಾಸ, ಉದ್ದಿಮೆ, ಸಾರಿಗೆ ಉದ್ಯೋಗ ಸಂಪಾದನೆಗೆ ನೂತನವಾಗಿ ತೊಡಗುವವರಿಗೆ ಈ ಸಮಯವು ಅಭಿವೃದ್ಧಿದಾಯಕವೆನಿಸಲಿದೆ. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳಿಂದ ಸ್ವಲ್ಪ ಕಿರಿಕಿರಿ ಕಂಡು ಬರುವುದು.

ಮಿಥುನ: ಅವಿವಾಹಿತರಿಗೆ ವಿವಾಹ ಸಿದ್ಧಿಯ ಕಾಲವಿದು. ನಿಮ್ಮ ಅಭಿವೃದ್ಧಿಯಲ್ಲಿ ಆಗಾಗ ಏರುಪೇರು ಕಂಡು ಬರುವುದು. ಹಿರಿಯರೊಂದಿಗೆ ಅನಾವಶ್ಯಕವಾಗಿ ವಾದವಿವಾದದಲ್ಲಿ ತೊಡಗದಿರಿ. ಧರ್ಮಕಾರ್ಯದಲ್ಲಿ ಆಸಕ್ತಿಯಿದೆ.

ಕರ್ಕ: ನ್ಯಾಯಾಲಯದ ದರ್ಶನದ ಅವಕಾಶಗಳಿದ್ದರೂ ಅಂತಿಮವಾಗಿ ಜಯ ನಿಮ್ಮದಾಗಲಿದೆ. ಕೆಲಸ ಕಾರ್ಯದಲ್ಲಿ ವಿಳಂಬ, ವಿಘ್ನಗಳು ಸಂಭವವಿರುವುದರಿಂದ ಹೆಚ್ಚಿನ ಜಾಗ್ರತೆ ಮಾಡುವ ಅವಶ್ಯಕತೆ ಇದೆ. ಮುನ್ನಡೆಯಿರಿ.

ಸಿಂಹ: ಅವಿವಾಹಿತರಿಗೆ ಹಲವು ಅಡೆತಡೆಗಳು ಕಂಡುಬಂದರೂ ಕೊನೆಗೆ ಜಯ ಸಿಗಲಿದೆ. ಕಟ್ಟಡ ನಿರ್ಮಾಣದ ಕೆಲಸವು ಸ್ಥಗಿತಗೊಂಡು ಕಾರ್ಮಿಕ ವರ್ಗಕ್ಕೆ ಕಷ್ಟ ಅನುಭವಿಸುವಂತಾದೀತು. ಮಿತ್ರರಿಂದ ಸಹಾಯವಿದೆ.

 ಕನ್ಯಾ: ವ್ಯವಹಾರಗಳು ಉತ್ತಮವಿದ್ದರೂ ಆದಾಯ ಸ್ಥಗಿತಗೊಳ್ಳುವುದು. ಆಗಾಗ ಹಿತಶತ್ರುಗಳ ಭಾದೆ ಕಂಡುಬಂದು ಮನಸ್ಸಿಗೆ ನೆಮ್ಮದಿ ಇರದು. ವೈವಾಹಿಕ ಸಂಬಂಧಗಳು ಗಟ್ಟಿಗಾಗಿ ಕಂಕಣಬಲ ಭಾಗ್ಯವನ್ನು ಒದಗಿಸಲಿದೆ.

ತುಲಾ: ಅಧಿಕಾರಿ ವರ್ಗದವರಿಗೆ ಮುಂಭಡ್ತಿಯಂತಹ ಅಭಿವೃದ್ಧಿಯು ಕಂಡುಬರುವುದು. ಅವರ ಕನಸುಗಳು ನನಸಾಗಲಿವೆ. ಶೇರು ಫೈನಾನ್ಸ್‌ಗಳಲ್ಲಿ ತೊಡಗಿಸಿದ ಹಣದ ಬಗ್ಗೆ ಜಾಗ್ರತೆ ಮಾಡಬೇಕು. ಕಳೆದುಕೊಳ್ಳುವ ಭೀತಿ ಇದೆ.

ವೃಶ್ಚಿಕ: ದೇಹಭಾದೆಯು ಸುಖ, ಸಂತಸವನ್ನು ಕಸಿದುಕೊಂಡೀತು. ತಂದೆ ಮಕ್ಕಳು ಯಾ ಕುಟುಂಬದಲ್ಲಿ ಆಸ್ತಿಯ ಬಗ್ಗೆ ವಿವಾದಗಳು ಕಾಣಿಸಿಕೊಳ್ಳಲಿದೆ. ಕಾರ್ಮಿಕರ ನಿಧಾನ ಪ್ರವೃತ್ತಿಯಿಂದ ಕೆಲಸಗಳು ನಿಧಾನವಾದೀತು.

ಧನು: ವೃತ್ತಿರಂಗದಲ್ಲಿ ಕಾರ್ಯದೊತ್ತಡವಿದ್ದರೂ ಅಭಿವೃದ್ಧಿಯಿಂದ ಸಂತಸ ತಂದೀತು ಹಾಗೂ ಸಮಾಧಾನವಾಗಲಿದೆ. ಪತಿಪತ್ನಿಯರೊಳಗೆ ಅಕಾರಣವಾಗಿ ಭಿನ್ನಾಭಿಪ್ರಾಯ ಕಂಡು ಬಂದು ವಿರಸಕ್ಕೆ ಕಾರಣವಾದೀತು. ಜಾಗ್ರತೆ.

ಮಕರ: ಮಕ್ಕಳ ವೈವಾಹಿಕ ಸಂಬಂಧದ ಬಗ್ಗೆ ಮಾತುಕತೆಗಳು ನಡೆದು ಫ‌ಲಪ್ರದವಾಗಲಿದೆ. ಆರೋಗ್ಯವು ಉತ್ತಮಗೊಳ್ಳಲಿದೆ. ಹಿತಶತ್ರುಗಳು ಯಾ ಸಹೋದ್ಯೋಗಿಗಳಿಂದ ಪದೇಪದೇ ಕಾರ್ಯ ಹಾನಿ ಸಂಭವಿಸಲಿದೆ.

ಕುಂಭ: ಮಾತುಕತೆಗೆ ಬಂದಿದ್ದ ವೈವಾಹಿಕ ಸಂಬಂಧಗಳು ಸ್ಥಗಿತಗೊಂಡಾವು. ನೂತನ ವೃತ್ತಿ ಲಾಭಕ್ಕೂ ವಿಳಂಬ ಗೋಚರಿಸಲಿದೆ. ಮಡದಿಯ ಮುನಿಸು ಅಸಮಾಧಾನಕ್ಕೆ ಕಾರಣವಾಗಲಿದೆ. ತಾಳ್ಮೆ ಹಾಗೂ ಸಮಾಧಾನವಿರಲಿ.

ಮೀನ: ಸಂಪಾದನೆಯನ್ನು ವರ್ಧಿಸಿಕೊಳ್ಳುವ ಮಾರ್ಗವನ್ನು ಹುಡುಕಿಕೊಂಡರೆ ಆರ್ಥಿಕವಾಗಿ ಸಮತೋಲನವನ್ನು ಸಾಧಿಸುವಿರಿ. ಹಿರಿಯರ ಅಪಚಾರ ಹಾಗೂ ಮನಕ್ಲೇಷಕ್ಕೆ ಎಡೆಯಿದೆ. ನೌಕರ ವರ್ಗದವರಿಗೆ ಮುಂಭಡ್ತಿ ಭಾಗ್ಯವಿದೆ.