ಹೆತ್ತವರ ಶವದ ಜತೆ 11 ಗಂಟೆ ಕಳೆದ ಮಗು!

ಭೋಪಾಲ್‌: ಮೂರು ವರ್ಷದ ಮಗುವೊಂದು 11 ಗಂಟೆ ಕಾಲ ತನ್ನ ಪೋಷಕರ ಮೃತದೇಹಗಳ ಜೊತೆ ಮನೆಯಲ್ಲಿ ಇತ್ತು. ಮಗುವಿನ ಅಜ್ಜ ರವಿವಾರ ಎಂದಿನಂತೆ ಫೋನ್‌ ಕರೆ ಮಾಡಿದ ವೇಳೆ ಮಗು ‘ತಂದೆ ತಾಯಿ ಮೃತಪಟ್ಟಿದ್ದಾರೆ. ನನಗೆ ತುಂಬಾ ಹಸಿವಾಗುತ್ತಿದೆ’ ಎಂದು ಹೇಳಿದ್ದಾಳೆ. ಈ ಘಟನೆ ಮಧ್ಯಪ್ರದೇಶದ ಭೋಪಾಲ್‌ನಲ್ಲಿ ನಡೆದಿದೆ.

ಗಾಬರಿಗೊಂಡ ಕುಟುಂಬವರ್ಗ ಮನೆಗೆ ಹೋಗಿ ನೋಡಿದಾಗ ದಂಪತಿಯ ಮೃತದೇಹ ರಕ್ತದ ಮಡುವಿನಲ್ಲಿ ಬಿದ್ದಿತ್ತು. ತಂದೆ-ತಾಯಿ ನಡುವೆ ವಾಗ್ವಾದ ನಡೆದು, ಬಳಿಕ ಗುಂಡು ಹಾರಿಸಿಕೊಂಡರು ಎಂದು ಮಗು ಸಂಬಂಧಿಕರಲ್ಲಿ ಹೇಳಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.