ಕ್ಯಾಲಿಕಟ್‌ ವಿವಿಯಿಂದ ಪಿ.ಟಿ.ಉಷಾಗೆ ಗೌರವ ಡಾಕ್ಟರೇಟ್‌

ಕೊಚ್ಚಿ: “ಪಯ್ಯೋಲಿ ಎಕ್ಸ್‌ಪ್ರೆಸ್‌’ ಖ್ಯಾತಿಯ ಮಾಜಿ ಅಥ್ಲೀಟ್‌ ಪಿ.ಟಿ.ಉಷಾಗೆ ಕ್ಯಾಲಿಕಟ್‌ ವಿಶ್ವವಿದ್ಯಾನಿಲಯದಿಂದ ಗೌರವ ಡಾಕ್ಟರೇಟ್‌ ನೀಡಲಾಗಿದೆ. ಕೇರಳ ರಾಜ್ಯಪಾಲ ಪಿ.ಸದಾಶಿವಂ ಬುಧವಾರ ಪ್ರದಾನ ಮಾಡಿದರು.

53 ವರ್ಷದ ಉಷಾ ಅವರು ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪದಕ ಗೆದ್ದಿದ್ದರು. 16 ವರ್ಷದವರಾಗಿದ್ದಾಗಲೇ ಅವರು ಮಾಸ್ಕೋ ಒಲಿಂಪಿಕ್ಸ್‌ನಲ್ಲಿ ದೇಶ ಪ್ರತಿನಿಧಿಸಿದ್ದರು. 1984ರಲ್ಲಿ ಲಾಸ್‌ಏಂಜಲೀಸ್‌ ಒಲಿಂಪಿಕ್ಸ್‌, 1988ರ ಸಿಯೋಲ್‌ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸಿದ್ದರು. ಸದ್ಯ ಕೇರಳದಲ್ಲಿ ಅವರು ಪಿಟಿ ಉಷಾ ಸ್ಕೂಲ್‌ ಆಫ್ ಅಥ್ಲೆಟಿಕ್ಸ್‌ ಕೇಂದ್ರ ನಡೆಸುತ್ತಿದ್ದಾರೆ. ಟಿಂಟು ಲುಕಾ ರಂತಹ ಅಪ್ರತಿಮ ಓಟಗಾರ್ತಿಯನ್ನು ದೇಶಕ್ಕೆ ಪರಿಚಯಿಸಿದ್ದಾರೆ.