ಉದಯವಾಣಿ ಸಮಾಚಾರ
ಉಪ್ಪಿನಬೆಟಗೇರಿ: ರಾಜಕೀಯದಲ್ಲಿ ಯಾವುದೇ ಏರುಪೇರಾಗದೇ ನರೇಂದ್ರ ಮೋದಿ ಮತ್ತೆ ಪ್ರಧಾನಿಯಾಗಲಿದ್ದು, ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಸ್ಥಾನ ಅಬಾಧಿ ತವಾಗಲಿದೆ ಎಂದು ಹನುಮನಕೊಪ್ಪದಲ್ಲಿ ಯುಗಾದಿ ಹಬ್ಬದಂದು ಮಣ್ಣಿನ ಬೊಂಬೆ ಭವಿಷ್ಯದಿಂದ ತಿಳಿದು ಬಂದಿದೆ.
ಪ್ರಸಕ್ತ ವರ್ಷ ದೇಶದಲ್ಲಿ ಆಹಾರ-ನೀರಿನ ಯಾವುದೇ ಸಮಸ್ಯೆ ಉದ್ಭವಿಸಲ್ಲ. ಮುಂಗಾರು ಉತ್ತಮ, ಹಿಂಗಾರು ಆದರೂ ಆಹಾರದ ಕೊರತೆಯಾಗಲ್ಲ. ರೈತ ಮತ್ತು ದನಕರುಗಳಿಗೆ ಯಾವುದೇ ತೊಂದರೆ ಇಲ್ಲ. ಕೂಡಿಟ್ಟ ಆಹಾರ ಧಾನ್ಯಗಳಿಗೆ ಬೆಲೆ ಸಿಗುವುದೆಂದು ತಿಳಿದು ಬಂದಿದೆ.
ಮುಂಗಾರು ಬೆಳೆದ ಕಾಳುಗಳಿಗೆ ಅಕ್ಟೋಬರ್‌ -ನವೆಂಬರ್‌ ತಿಂಗಳಲ್ಲಿ ಉತ್ತಮ ಧಾರಣೆ ಸಿಗಲಿದೆ. ಹಿಂಗಾರು ಬೆಳೆಗೆ ಜನವರಿ-ಪೆಭ್ರವರಿ ತಿಂಗಳಲ್ಲಿ ಉತ್ತಮ ದರ ಬರುವುದು. ಯಾವುದೇ ರಾಜಕಾರಣಿಗಳಿಗೆ ಅವಘಡಗಳು ಸಂಭವಿಸಲ್ಲ. ಮುಂಗಾರು ಮಳೆ ಉತ್ತಮವಾಗಿದ್ದು, ಹಿಂಗಾರು ಮಳೆ ಸಾಧಾರಣವಾಗಿದೆ ಎಂದು ಗೊಂಬೆಗಳ ಭವಿಷ್ಯದಿಂದ ತಿಳಿದು ಬಂದಿದೆ.
ದೇಶದಲ್ಲಿ ದನ ಕರುಗಳಿಗೆ ಆಹಾರ-ನೀರಿನ ಸಮಸ್ಯೆ ಇರಲ್ಲ. ಪ್ರಸ್ತುತ ವರ್ಷದಲ್ಲಿ ಮುಂಗಾರು ಮಳೆ ಉತ್ತಮವಾಗಿದ್ದು, ಹಿಂಗಾರು ಮಳೆ ಸಾಧಾರಣ ಇರುತ್ತದೆ. ಜಮೀನಿನಲ್ಲಿ ಬೆಳೆದ ಕಾಳುಗಳಿಗೆ ಉತ್ತಮ ಧಾರಣೆಯಿಂದ ರೈತರಿಗೆ ಹೆಚ್ಚು ಅನುಕೂಲವಾಗಲಿದೆ ಎಂದು ಗೊಂಬೆಗಳಿಂದ ತಿಳಿದು ಬರುತ್ತದೆ.
ನಾಗಪ್ಪ ಹಾರೋಬೆಳವಡಿ, ಹನುಮನಕೊಪ್ಪ
