ಕಾಶ್ಮೀರ ಗಡಿಯಲ್ಲಿ ಮೋದಿ ದೀಪಾವಳಿ ಆಚರಣೆ?

ಹೊಸದಿಲ್ಲಿ: ಪ್ರತಿ ವರ್ಷವೂ ಸೈನಿಕರೊಂದಿಗೆ ದೀಪಾವಳಿ ಆಚರಿಸಿಕೊಳ್ಳುತ್ತಿರುವ ಪ್ರಧಾನಿ ನರೇಂದ್ರ ಮೋದಿ ಈ ಬಾರಿ ಕಾಶ್ಮೀರದ ಗಡಿ ಭಾಗಕ್ಕೆ ಭೇಟಿ ಕೊಡುವ ಸಾಧ್ಯತೆ ಇದೆ. ಅಲ್ಲಿ ಅವರು ಸೈನಿಕರೊಂದಿಗೆ ದೀಪಾವಳಿ ಆಚರಿಸಲಿದ್ದಾರೆ ಎನ್ನಲಾಗಿದೆ.
ನಿಯಂತ್ರಣ ರೇಖೆಯ ಸನಿಹ ಸೇನೆ ನೆಲೆಯಲ್ಲಿ ಅವರ ಕಾರ್ಯಕ್ರಮ ನಡೆಯಲಿದೆ ಎನ್ನಲಾಗಿದೆ. ಕಳೆದ ವರ್ಷ ಮೋದಿ ಉತ್ತರಾಖಂಡದ ಗಡಿ ಭಾಗದ ಸೇನೆ ನೆಲೆಯಲ್ಲಿ ದೀಪಾವಳಿ ಆಚರಣೆ ಮಾಡಿದ್ದರು. 2014ರಲ್ಲಿ ಅವರು ಸಿಯಾಚಿನ್‌ ಗ್ಲೆàಸಿಯರ್‌ನ ಬೇಸ್‌ಕ್ಯಾಂಪ್‌ನಲ್ಲಿ ದೀಪಾವಳಿ ಆಚರಣೆ ಮಾಡಿದ್ದರು.
ಕಳೆದ ವರ್ಷವೂ ಪ್ರಧಾನಿ ಮೋದಿ ಅವರು ಎಲ್ಲಿ ದೀಪಾವಳಿ ಆಚರಣೆ ಮಾಡಲಿದ್ದಾರೆ ಎನ್ನುವುದನ್ನು ಕೊನೆಯವರೆಗೂ ಗುಪ್ತವಾಗಿ ಇರಿಸಲಾಗಿತ್ತು. ಕೊನೆ ಕ್ಷಣದಲ್ಲಿ ಟ್ವೀಟರ್‌ ಮೂಲಕ ಅದನ್ನು ಘೋಷಿಸಲಾಗಿತ್ತು. ದೀಪಾವಳಿ ಸಂದರ್ಭ ಪ್ರಧಾನಿ ಮೋದಿ ಸೈನಿಕರನ್ನು ಭೇಟಿಯಾಗಿ ಅವರಿಗೆ ಶುಭಾಶಯಗಳನ್ನು ಕೋರಿ ಸಿಹಿ ಹಂಚುತ್ತಾರೆ.