Mangalore: ಮೊಬೈಲ್‌ ಕಳ್ಳತನ: 3ವರ್ಷ ಸಜೆ, 5 ಸಾವಿರ ರೂ.ದಂಡ

ಮಂಗಳೂರು: ನಗರದ ಉರ್ವ ಬಳಿಯ ದೇವರಾಜ ಅರಸು ಮೆಟ್ರಿಕ್‌ ನಂತರದ ಬಾಲಕಿಯರ ವಸತಿ ನಿಲಯದ ವಿದ್ಯಾರ್ಥಿಯರ ಮೊಬೈಲ್‌ ಕಳವು ಮಾಡಿದವನಿಗೆ ನ್ಯಾಯಾಲಯ 3ವರ್ಷ ಸಜೆ, 5 ಸಾವಿರ ರೂ. ದಂಡ ವಿಧಿಸಿದೆ.

ಮಹೇಶ್‌ ಪೈ ಶಿಕ್ಷೆಗೊಳಗಾದಾತ. 2023ರ ಜೂ.18ರಂದು ವಿದ್ಯಾರ್ಥಿ ನಿಲಯದ ಒಳ ಪ್ರವೇಶಿಸಿ ವಿದ್ಯಾರ್ಥಿನಿಯರ 3 ಮೊಬೈಲ್‌ ಕಳವು ಮಾಡಿದ್ದ. ಆತನನ್ನು ವಶಕ್ಕೆ ಪಡೆದು ನ್ಯಾಯಾಲಯಕ್ಕೆ ಹಾಜರು ಪಡಿಸಿ ದೋಷಾರೋಪಣ ಪಟ್ಟಿ ಸಲ್ಲಿಸಲಾಗಿತ್ತು.

ವಿಚಾರಣೆ ನಡೆಸಿದ ನ್ಯಾಯಾಲಯ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಆತನಿಗೆ ಶಿಕ್ಷೆ ವಿಧಿಸಿದೆ.