ಮಂಗಳೂರು: ಮೊಬೈಲ್ ಶೋರೂಂಗೆ ಕನ್ನ: 70 ಲಕ್ಷ ಮೌಲ್ಯದ ಮೊಬೈಲ್ಸ್ ದೋಚಿದ ಖದೀಮರು

ಮಂಗಳೂರು: ವೀಕೆಂಡ್ ಕರ್ಫ್ಯೂ ವೇಳೆ ಮೊಬೈಲ್ ಅಂಗಡಿ ಕಳ್ಳತನ ನಡೆದಿದ್ದು ಇಂದು (ಜುಲೈ 5) ಬೆಳಕಿಗೆ ಬಂದಿದೆ.

ನಗರದ ಬಲ್ಮಠದಲ್ಲಿರುವ ಮೊಬೈಲ್ ಶೋರೂಂವೊಂದಕ್ಕೆ ಕರಾಮತ್ತು ತೋರಿರುವ ಕಳ್ಳರು ಐಪೋನ್ ಸೇರಿದಂತೆ ಸುಮಾರು 70 ಲಕ್ಷ ರೂ.ಮೌಲ್ಯದ ಮೊಬೈಲ್ ಗಳನ್ನು ಎಗರಿಸಿದ್ದಾರೆ.

ಕಳ್ಳತನ ನಡೆದಿರುವುದು ಇಂದು ಬೆಳಗ್ಗೆ ಶೋರೂಂ ಸಿಬ್ಬಂದಿ ಗಮನಕ್ಕೆ ಬಂದಿದೆ. ವಿಷಯ ತಿಳಿದು ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ. ಈ ಹಿಂದೆ ಕೂಡ ಈ ಶೋರೂಂನಲ್ಲಿ ಕಳ್ಳತನ ನಡೆದಿತ್ತು.