ಇನ್ನು ಮೊಬೈಲ್‌ ಆ್ಯಪ್‌ನಲ್ಲೇ ಸಂಸತ್‌ ಕಲಾಪ ವೀಕ್ಷಿಸಿ!

ನವದೆಹಲಿ: ಇನ್ನು ಮುಂದೆ ನೀವು ಸಂಸತ್‌ನ ಉಭಯ ಸದನಗಳ ಕಲಾಪಗಳ ನೇರ ಪ್ರಸಾರವನ್ನು ಕುಳಿತಲ್ಲಿಂದಲೇ ನಿಮ್ಮ ಮೊಬೈಲ್‌ ಮೂಲಕ ವೀಕ್ಷಿಸಬಹುದು.

ಅಷ್ಟೇ ಅಲ್ಲ, ಪ್ರಶ್ನೋತ್ತರಗಳು, ವಿವಿಧ ಸಮಿತಿಗಳ ವರದಿಗಳು ಸೇರಿದಂತೆ ಸಂಸದೀಯ ದಾಖಲೆಗಳನ್ನೂ ನೋಡಬಹುದು!

ಇದಕ್ಕಾಗಿಯೇ ಸರ್ಕಾರವು ಹೊಸ ಮೊಬೈಲ್‌ ಆ್ಯಪ್‌ವೊಂದನ್ನು ಪರಿಚಯಿಸಿದೆ. “ಎಲ್‌ಎಸ್‌ ಮೆಂಬರ್‌ ಆ್ಯಪ್‌’ ಎಂಬ ಮೊಬೈಲ್‌ ಅಪ್ಲಿಕೇಷನ್‌ ಅನ್ನು ಮಂಗಳವಾರ ಲೋಕಸಭೆ ಸ್ಪೀಕರ್‌ ಓಂ ಬಿರ್ಲಾ ಅನಾವರಣಗೊಳಿಸಿದ್ದಾರೆ.
ಅದನ್ನು ಡೌನ್‌ಲೋಡ್‌ ಮಾಡಿಕೊಳ್ಳುವಂತೆ ಸದಸ್ಯರಿಗೆ ಸೂಚಿಸಿರುವ ಅವರು, ತಮ್ಮ ತಮ್ಮ ಕ್ಷೇತ್ರಗಳ ಜನರಿಗೂ ಆ್ಯಪ್‌ ಬಳಸುವಂತೆ ಮನವಿ ಮಾಡಿ ಎಂದು ಸಂಸದರಿಗೆ ತಿಳಿಸಿದ್ದಾರೆ.

ಇದನ್ನೂ ಓದಿ:ಹೊಕ್ಕಳ್ಳಿ: ಮುಂದುವರೆದ ಹುಲಿ ದಾಳಿ, ಅರಣ್ಯ ಇಲಾಖೆಯ ನಿರ್ಲಕ್ಷ್ಯಕ್ಕೆ ಗ್ರಾಮಸ್ಥರು ಕಂಗಾಲು

ಸದನದಲ್ಲಿ ನಿಮ್ಮ ವರ್ತನೆ ಹೇಗಿರುತ್ತದೆ ಎಂಬುದು ಜನರಿಗೂ ತಿಳಿಯಲಿ ಎಂದೂ ಹೇಳಿದ್ದಾರೆ.