ಸ್ವಯಂ ಸೋಂಕು ಪರೀಕ್ಷೆಗೆ ಬಂತು ಮೊಬೈಲ್‌ ಆ್ಯಪ್‌

ಪೆನ್ಸಿಲ್ವೇನಿಯಾ: ಕೋವಿಡ್‌-19 ಸೋಂಕು ನಿಂತ್ರಿಸುವ ಔಷಧ ಮತ್ತು ಲಸಿಕೆಗಳ ಅನ್ವೇಷಣೆಯ ಜತೆಗೆ ಹೊಸ ಹೊಸ ತಂತ್ರಜ್ಞಾನದ ಅನ್ವೇಷಣೆಯೂ ನಡೆಯುತ್ತಿದೆ. ಈ ನಿಟ್ಟಿನಲ್ಲಿ ಈಗ ಹೊಸ ರೀತಿಯ ಆ್ಯಪ್‌ ಒಂದನ್ನು ಅಭಿವೃದ್ಧಿಪಡಿಸಲಾಗಿದೆ. ಈ ಆ್ಯಪ್‌ ಸ್ಮಾರ್ಟ್‌ ಫೋನಿನಲ್ಲಿದ್ದರೆ ನಮಗೆ ಕೋವಿಡ್‌ ಸೋಂಕು ಅಂಟಿಕೊಂಡಿದೆಯೇ ಎಂದು ನಾವೇ ತಿಳಿದುಕೊಳ್ಳಬಹುದು.
ಅಮೆರಿಕದ ಪಿಟ್ಸ್‌ಬರ್ಗ್‌ ವಿಶ್ವವಿದ್ಯಾಲಯದ ಪ್ರೊಫೆಸರ್‌ಗಳು ಈ ಆ್ಯಪ್‌ ಅಭಿವೃದ್ಧಿಪಡಿಸಿದ್ದಾರೆ.

ಕೃತಕ ಬುದ್ಧಿಮತ್ತೆ ಮತ್ತು ಹೊಸ ಮೊಬೈಲ್‌ ಸಂವೇದಕವನ್ನು(ಸೆನ್ಸಾರ್‌)ಇದರಲ್ಲಿ ಬಳಸಲಾಗಿದೆ. ಸೋಂಕಿಗೆ ಒಳಗಾಗಿದ್ದರೆ ಅಂಥವರ ಉಸಿರಾಟದ ಗತಿಯನ್ನು ನಿರಂತರವಾಗಿ ವಿಶ್ಲೇಷಿಸುತ್ತದೆ ಮತ್ತು ಬದಲಾವಣೆಯನ್ನು ಪತ್ತೆ ಹಚ್ಚುತ್ತದೆ. ಈ ಸಂಪೂರ್ಣ ಸಿಸ್ಟಮ್‌ ಅನ್ನು ಆ್ಯಪ್‌ಗೆ ಸಂಪರ್ಕಿಸಲಾಗಿದೆ ಎಂದು ಯೋಜನೆಯ ನೇತೃತ್ವ ವಹಿಸಿರುವ ಪ್ರೊಫೆಸರ್‌ ವೀ ಗಾವೊ ಹೇಳಿದ್ದಾರೆ.