ಶಾಸಕರು ನನ್ನನ್ನು ಕ್ಷಮಿಸಬೇಕು: ಬಾಲಕೃಷ್ಣ

ಮಾಗಡಿ: ಜನರಿಗೆ ಅನುಕೂಲವಾಗುವ ದೃಷ್ಟಿಯಿಂದ ಸಭೆ ಎಚ್ಚರಿಸುವ ಕೆಲಸ ಮಾಡಿದ್ದೇನೆ. ಶಾಸಕರು ಅದನ್ನೇ ತಪ್ಪಾಗಿ ಅರ್ಥೈಸಿಕೊಳ್ಳುವುದು ಅಥವಾ ಅನ್ಯಥಾ ಭಾವಿಸುವುದು ಬೇಡ. ನನ್ನಿಂದ ಮನಸ್ಸಿಗೆ ನೋವಾಗಿದ್ದರೆ, ತಪ್ಪಾಗಿದ್ದರೆ ಶಾಸಕರಲ್ಲಿ ಕ್ಷಮೆಯಾಚಿಸುತ್ತೇನೆ ಎಂದು ಮಾಜಿ ಶಾಸಕ ಎಚ್‌.ಸಿ. ಬಾಲಕೃಷ್ಣ ಹೇಳಿದರು.

ತಾಲೂಕಿನ ಮಾಡಬಾಳ್‌ ಹೋಬಳಿ ಹಂಚೀಕುಪ್ಪೆ ಗ್ರಾಪಂ ವ್ಯಾಪ್ತಿಯ ಕರ್ತವ್ಯ ನಿರ್ವಹಿಸುತ್ತಿರುವ ಆಶಾ, ಅಂಗನವಾಡಿ, ಆಸ್ಪತ್ರೆಯ ನರ್ಸ್‌ಗಳಿಗೆ ಅಹಾರ ಪದಾರ್ಥಗಳ ಕಿಟ್‌ ವಿತರಿಸಿ ಮಾತನಾಡಿದರು. ಚುನಾವಣೆಯಲ್ಲಿ 51 ಸಾವಿರ ಮತಗಳ ಅಂತರದಿಂದ ಸೋತ್ತಿದ್ದೇನೆ. ಮನೆಯಲ್ಲಿರಬೇಕಿತ್ತು. ಆದರೂ ಜನಸೇವೆಗೆ ಇಳಿದಿದ್ದೇನೆ. ಅದನ್ನು ಸಹಿಸಿಕೊಳ್ಳಲಾಗುತ್ತಿಲ್ಲ. ನಾನು ಒಂದು ಕೆಲಸ ನಿರ್ವಹಿಸಿದರೆ, ಶಾಸಕರು 10 ಕೆಲಸ ಮಾಡಬಹುದು ಎಂಬ ಉದ್ದೇಶ ನನ್ನದು. ಅದನ್ನೇ ತಪ್ಪಾಗಿ ಅರ್ಥೈಸಿರುವ ಶಾಸಕರು, ಜನರು ನನ್ನನ್ನು 51 ಸಾವಿರ ಮತಗಳ ಅಂತರದಿಂದ ಗೆಲ್ಲಿಸಿದ್ದಾರೆ. ಅವರೇ ಸುಮ್ಮನಿದ್ದಾರೆ.  ನಿನ್ನದೇನು ಉಸಬಾರಿ ಎಂದು ಶಾಸಕರು ಟೀಕಿಸಿದ್ದಾರೆ.  ಇದಕ್ಕಾಗಿ ಅವರಿಗೆ ಮತ್ತೂಮ್ಮೆ ಕ್ಷಮೆಯಾಚಿಸುತ್ತೇನೆ ಎಂದರು.

ತಾಪಂ ಸ್ಥಾಯಿ ಸಮಿತಿ ಅಧ್ಯಕ್ಷ ಧನಂಜಯ ನಾಯಕ್‌ ಮಾತನಾಡಿದರು. ತಾಲೂಕು ಟಾಸ್ಕ್ ಪೋರ್ಸ್‌ ಕಮಿಟಿ ಅಧ್ಯಕ್ಷ ವಿಜಯಕುಮಾರ್‌, ತಾಪಂ ಸದಸ್ಯ ಎಚ್‌.ವೆಂಕಟೇಶ್‌, ಹಂಚೀಕುಪ್ಪೆ ಗ್ರಾಪಂ ಅಧ್ಯಕ್ಷೆ ಮಂಜುಳಾ, ಉಪಾಧ್ಯಕ್ಷ ಚಂದ್ರಶೇಖರ್‌, ಪುರಸಭೆ ಸದಸ್ಯ ಎಚ್‌.ಜೆ. ಪುರುಷೋತ್ತಮ್‌, ತೇಜಾ, ಎಂ.ಆರ್‌.ಮಂಜುನಾಥ್‌, ತೋ.ವಿ.ಗಿರೀಶ್‌, ಲಕ್ಷ್ಮಣ್‌, ರಂಗನಾಥ್‌, ಪಿಡಿಒ
ಸುರೇಶ್‌ ಇತರರು ಇದ್ದರು.