ವಯೋವೃದ್ದನ ಸಮಸ್ಯೆಯನ್ನು ಆಲಿಸಿ ಸ್ಥಳದಲ್ಲೆ ಪರಿಹಾರ ನೀಡಿದ ದೇಶಪಾಂಡೆ

ದಾಂಡೇಲಿ: ನಾನು ವಯೋವೃದ್ದನಿದ್ದೇನೆ. ನನಗಿನ್ನೂ ವೃದ್ದಾಪ್ಯವೇತನ ಬಂದಿಲ್ಲ. ಕಳೆದ ಒಂದು ವರ್ಷದಿಂದ ವೃದ್ದಾಪ್ಯ ವೇತನ ಬರದೇ ತೀವ್ರ ಸಂಕಷ್ಟದಲ್ಲಿದ್ದೇನೆ. ನನಗೆ ಸರಕಾರದಿಂದ ಸಿಗುತ್ತಿರುವ ವೃದ್ದಾಪ್ಯವೇತನವನ್ನು ಕೊಡಿಸಿ ಎಂದು ಮನವಿ ಮಾಡಿದ ತಕ್ಷಣವೆ ಶಾಸಕ ಆರ್.ವಿ.ದೇಶಪಾಂಡೆಯವರು ಅಲ್ಲೆ ಇದ್ದ ತಹಶೀಲ್ದಾರ್ ಶೈಲೇಶ ಪರಮಾನಂದ ಅವರನ್ನು ಕರೆದು ಇವರ ಮಾಹಿತಿಯನ್ನು ಪಡೆದು ತ್ವರಿತಗತಿಯಲ್ಲಿ ವೃದ್ದಾಪ್ಯವೇತನವನ್ನು ವಿತರಿಸಲು ಕ್ರಮ ಕೈಗೊಳ್ಳುವಂತೆ ಸೂಚಿಸಿ, ವಾರದೊಳಗೆ ಪೆನ್ಸನ್ ಬರುತ್ತದೆ, ಟೆನ್ಸನ್ ಮಾಡ್ಬೇಡಿ ಎಂದು ಬೆನ್ನು ತಟ್ಟಿ ಸಮಾಧಾನ ಪಡಿಸಿದರು.

ನೊಂದ ಹಿರಿಯ ಜೀವಕ್ಕೆ ಮಿಡಿದ ಹಿರಿಯ ಶಾಸಕ ದೇಶಪಾಂಡೆಯವರ ಕಾಳಜಿಗೆ ಮೆಚ್ಚುಗೆ ವ್ಯಕ್ತವಾಗಿಯ್ತು. ಅಂದ ಹಾಗೆ ಇದು ನಡೆದದ್ದು, ಇಂದು ದಾಂಡೇಲಿ ನಗರದ ಟೌನಶೀಪಿನಲ್ಲಿ ಕಾರ್ಮಿಕರಿಗೆ ಅವಶ್ಯ ವಸ್ತುಗಳ ಕಿಟ್ ಸಮಾರಂಭಕ್ಕೆ ಆಗಮಿಸಿ ಹೊರಡುತ್ತಿರುವಾಗ ಶಾಸಕ ದೇಶಪಾಂಡೆಯವರ ಬಳಿ ಬಂದ ವಯೋವೃದ್ದರೊಬ್ಬರು ಮನವಿ ಮಾಡಿಕೊಂಡು ಸಫಲರಾಗಿದ್ದು ಹೀಗೆ.