ಗೂಡ್ಸ್ ರೈಲಿನಲ್ಲಿ ಬಂದ ಶಾಸಕ‌

ಬಾಗಲಕೋಟೆ : ರಸ್ತೆ ಸಂಚಾರ ಸ್ಥಗಿತಗೊಂಡಿದ್ದರಿಂದ ಗದಗ ಶಾಸಕ ಎಚ್.ಕೆ.ಪಾಟೀಲ ಗೂಡ್ಸ್ ರೈಲಿನಲ್ಲಿ ಬಾಗಲಕೋಟ ಕ್ಕೆ ಬಂದು ಅಚ್ಚರಿ ಮೂಡಿಸಿದ್ದಾರೆ.

ಬಾಗಲಕೋಟೆ ಗದಗ ಮಾರ್ಗದಲ್ಲಿ ಸೇತುವೆ ಮುಳುಗಿದ್ದರಿಂದ ವಾಹನ ಸಂಚಾರ ಸ್ಥಗಿತಗೊಂಡಿದೆ.ಶುಕ್ರವಾರ ಗದಗ ಜಿಲ್ಲೆಯ ಕೊಣ್ಣೂರನಲ್ಲಿ ಪ್ರವಾಹ ಸ್ಥಿತಿ ವೀಕ್ಷಿಸಿದ ನಂತರ ಶಾಸಕ ಎಚ್ ಕೆ ಪಾಟೀಲ ಬಾಗಲಕೋಟದಲ್ಲಿ ನೆರೆ ಪೀಡಿತ ಪ್ರದೇಶಗಳಿಗೆ ಭೇಟಿ ನೀಡಬೇಕಿತ್ತು. ಕೊಣ್ಣೂರ ನಲ್ಲಿ ಬಂದ ಗೂಡ್ಸ್ ರೈಲು ಹತ್ತಿದ ಶಾಸಕ ಬಾಗಲಕೋಟೆಗೆ ಬಂದಿಳಿದರು. ನಂತರ ಜಿಲ್ಲೆಯ ನೆರೆ ಪೀಡಿತ ಪ್ರದೇಶಗಳಿಗೆ ಭೇಟಿ ನೀಡಿದರು.