Sirsi: ಮನೆ ಹಾನಿಗೆ 24 ಗಂಟೆಯೊಳಗೆ ಚೆಕ್ ವಿತರಿಸಿದ ಶಾಸಕ!

ಶಿರಸಿ: ಬೃಹತ್ ಮರವೊಂದು ಮನೆ ಮೇಲೆ ಬಿದ್ದು ಸಂಪೂರ್ಣ ಹಾನಿಗೊಳಗಾದ ಮನೆಗೆ ಶಾಸಕ ಭೀಮಣ್ಣ‌ ನಾಯ್ಕ ತೆರಳಿ ಸರಕಾರ ನೀಡುವ ಪರಿಹಾರದ ಜೊತೆಗೆ ಸ್ವತಃ ತಾನೂ ನೆರವನ್ನು ನೀಡಿ ಸಾಂತ್ವನದ‌ ಮಾತುಗಳನ್ನಾಡಿದ ಪ್ರಸಂಗ ಜು.23ರ ಭಾನುವಾರ ನಡೆಯಿತು.

ಕಳೆದ ರಾತ್ರಿ ಶಾಸಕನ ಸಭೆ ಮುಗಿಸಿ ವಾಪಸ್ಸಾದ ಭೀಮಣ್ಣ ನಾಯ್ಕ, ಶನಿವಾರ ‌ಮಧ್ಯಾಹ್ನ 3ಕ್ಕೆ ಮರ ಬಿದ್ದು ಹಾನಿಗೊಳಗಾದ ಮನೆ ವೀಕ್ಷಣೆಗೆ ರವಿವಾರ ತೆರಳಿದರು.

ಅದೇ ವೇಳೆ ಸರಕಾರ ನೀಡಬೇಕಾದ 1.20 ಲ.ರೂ ಪರಿಹಾರದ ಚೆಕ್ ಕೂಡ ವಿತರಿಸಿದರು. ಗ್ರಾಮಸ್ಥರು ‌ಕೂಡ‌ ಮನೆಯ ತಾತ್ಕಾಲಿಕ ದುರಸ್ತಿಗೆ ‌ಕೈ ಜೋಡಿಸಿದ್ದನ್ನೂ ಶ್ಲಾಘಿಸಿದರು. ಮನೆಯ ಒಂದು ವರ್ಷದ ಐದು‌ ದಿನದ ಮಗುವಿಗೂ ಅಲ್ಪ ಪ್ರಮಾಣದ ಗಾಯವಾಗಿದ್ದು, ಈ ಬಗ್ಗೆಯೂ ಭೀಮಣ್ಣ ವಿಚಾರಿಸಿದರು.

ಈ ವೇಳೆ ತಹಶೀಲ್ದಾರ ಶ್ರೀಧರ ಮುಂದಲಮನಿ, ಇಓ ಸತೀಶ ಹೆಗಡೆ, ಪ್ರಮುಖರಾದ ಎಸ್.ಕೆ.ಭಾಗ್ವತ್, ಪ್ರಸನ್ನ ಶೆಟ್ಟಿ, ಗಣೇಶ ದಾವಣಗೆರೆ,ಜಗದೀಶ ಗೌಡ ಇತರರಿದ್ದರು.