ಮಿಶನ್‌ ಶಕ್ತಿ: ಕಸ ನಾಶ

ಹೊಸದಿಲ್ಲಿ: ಇತ್ತೀಚೆಗೆ ಭಾರತವು ಪರೀಕ್ಷಿಸಿದ ಉಪಗ್ರಹ ನಿರೋಧಕ ಕ್ಷಿಪಣಿ ಉಡಾವಣೆಯಿಂದ ಉಂಟಾದ ಬಹುತೇಕ ತ್ಯಾಜ್ಯವು ಬಾಹ್ಯಾಕಾಶದಿಂದ ನಾಶವಾಗಿವೆ. ಇನ್ನುಳಿದ ಕೆಲವು ತ್ಯಾಜ್ಯ ಶೀಘ್ರ ನಾಶವಾಗಲಿವೆ ಎಂದು ಡಿಆರ್‌ಡಿಒ ಮುಖ್ಯಸ್ಥ ಜಿ ಸತೀಶ್‌ ರೆಡ್ಡಿ ಹೇಳಿದ್ದಾರೆ. ಏ.6 ರಂದು ನಾವು ಈ ಬಗ್ಗೆ ವಿವರಿಸಿದ್ದೆವು. ಸದ್ಯ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಬಹುತೇಕ ಕಸವು ನಾಶವಾಗಿವೆ. ಇನ್ನು ಕೆಲವೇ ತುಂಡುಗಳು ಉಳಿದುಕೊಂಡಿವೆ. ಇವು ಕೆಲವೇ ವಾರಗಳಲ್ಲಿ ನಾಶವಾಗಲಿವೆ ಎಂದು ಹೇಳಿದ್ದಾರೆ. ತ್ಯಾಜ್ಯದ ಸಮಸ್ಯೆ ನಿವಾರಿಸುವುದಕ್ಕಾಗಿಯೇ 300 ಕಿ.ಮೀ ವ್ಯಾಪ್ತಿಯಲ್ಲಿ ಮಿಶನ್‌ ಶಕ್ತಿಯನ್ನು ಮಾ.27 ರಂದು ಜಾರಿಗೊಳಿಸಲಾಗಿತ್ತು.