ಪ್ರೇಮ ವೈಫ‌ಲ್ಯ : ನಾಪತ್ತೆಯಾಗಿದ್ದ ತರುಣಿಯ ಶವ ನದಿಯಲ್ಲಿ ಪತ್ತೆ

ಕೋಟ, ರಾಜಸ್ಥಾನ : ಕಳೆದ ಫೆ.24ರಿಂದ ನಾಪತ್ತೆಯಾಗಿದ್ದ ಹದಿನಾರರ ಹರೆಯದ ತರುಣಿಯೋರ್ವಳ ಶವ ಇಂದು ಬೆಳಗ್ಗೆ ಆಹು ನದಿಯಲ್ಲಿ  ತೇಲುತ್ತಿರುವುದು ಪತ್ತೆಯಾಗಿದೆ.

ತರುಣಿಯನ್ನು ಅಪಹರಿಸಿ ಕೊಲ್ಲಲಾಗಿದೆ ಎಂದು ಆಕೆಯ ಹೆತ್ತವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಆದರೆ ತರುಣಿಯು ಪ್ರೇಮ ವೈಫ‌ಲ್ಯದ ಕಾರಣಕ್ಕೆ ನೊಂದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಹೇಳಲಾಗಿದೆ. 

ತರುಣಿಯು ರಾಮಗಂಗಮಂಡಿ ಪಟ್ಟಣದಲ್ಲಿ ತನ್ನ ಟ್ಯೂಶನ್‌ ತರಗತಿಯಿಂದ ತನ್ನ ಗ್ರಾಮವಾದ ಸತಾಲ್‌ಖೇಡಿಗೆ ಮರಳುತ್ತಿದ್ದಾಗ ಕಳೆದ ಫೆ.24ರಂದು ನಾಪತ್ತೆಯಾಗಿದ್ದಳು ಎಂದು ಸುಕಾಯಿತ್‌ ಪೊಲೀಸ್‌ ಠಾಣಾಧಿಕಾರಿ ರವೀಶ್‌ ಸಮರಿಯಾ ತಿಳಿಸಿದ್ದಾರೆ.

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಮರಣೋತ್ತರ ಪರೀಕ್ಷೆಯ ಬಳಿಕ ಶವವನ್ನು ಆಕೆಯ ಮನೆಯವರಿಗೆ ಬಿಟ್ಟುಕೊಡಲಾಗಿದೆ.