ಶಿವಮೊಗ್ಗ: ಶಿರಾ ಕ್ಷೇತ್ರಕ್ಕೆ ಇದುವರೆಗೆ ಚುನಾವಣೆ ಘೋಷಣೆಯಾಗಿಲ್ಲ. ಯಾವಾಗ ಚುನಾವಣೆ ಘೋಷಣೆಯಾದರೂ ಯಾರೇ ಅಭ್ಯರ್ಥಿಯಾದರೂ ಗೆಲ್ಲುವುದು ನಾವೇ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್.ಈಶ್ವರಪ್ಪ ಹೇಳಿದರು.
ಶಿವಮೊಗ್ಗದಲ್ಲಿ ಮಾತನಾಡಿದ ಅವರು, ಈಗಾಗಲೇ ಶಿರಾದಲ್ಲಿ ಬೂತ್ ಮಟ್ಟದಲ್ಲಿ ಕಮಿಟಿ ಅಗಿದ್ದು, ಸಂಘಟನೆ ಕೆಲಸ ಪ್ರಾರಂಭವಾಗಿದೆ. ಅಭ್ಯರ್ಥಿ ಯಾರು ಎನ್ನುವುದು ಬಿಜೆಪಿಗೆ ಯಾವತ್ತಿಗೂ ಲೆಕ್ಕ ಅಲ್ಲ. ನಮಗೆ ಪಕ್ಷವೇ ಅಭ್ಯರ್ಥಿ. ಯಾರಾದರೂ ಕೊನೆಗೆ ಅಭ್ಯರ್ಥಿ ಅಗ್ತಿವೀ ಅಷ್ಟೇ ಎಂದರು.
ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಸಾಧನೆಯಿಂದ ಕ್ಷೇತ್ರದಲ್ಲಿ ನಾವು ಗೆಲುವು ಸಾಧಿಸುತ್ತೇವೆ ಎಂದು ಈಶ್ವರಪ್ಪ ಹೇಳಿದರು.
ಇದನ್ನೂ ಓದಿ: ಅಧಿವೇಶನಕ್ಕೆ ಮೊದಲೇ ಸಂಪುಟ ವಿಸ್ತರಣೆ ಬಯಕೆ: ಸಿಎಂ ಯಡಿಯೂರಪ್ಪ
ಸಂಪುಟ ಪುನಾರಚನೆ ಹಾಗೂ ವಿಸ್ತರಣೆ ವಿಚಾರವಾಗಿ ಮಾತನಾಡಿದ ಅವರು, ಇದು ಮುಖ್ಯಮಂತ್ರಿಗಳಿಗೆ ಬಿಟ್ಟ ವಿಚಾರ, ಏನು ಬೇಕಾದರೂ ಅಗಬಹುದು. ಎಲ್ಲಾ ರಾಜಕಾರಣಿಗಳು ಅಪೇಕ್ಷೇ ಪಡೋದು ತಪ್ಪಲ್ಲ. ಆದರೆ ಅದು ಸಿಎಂ ನಿರ್ಧಾರ ಎಂದ ಈಶ್ವರಪ್ಪ ಹೇಳಿದರು.
