ಜವಾಬ್ದಾರಿ ಕೊಟ್ಟೋರ್ಯಾರು?

ಬಾಗಲಕೋಟೆ: ಸರ್ಕಾರ ಉಳಿಸಲು ಅಥವಾ ಉರುಳಿಸಲು ಅವರಿಗೆ ಜವಾಬ್ದಾರಿ ಕೊಟ್ಟೋರ್ಯಾರು? “ರಾಜ್ಯ ಸಮ್ಮಿಶ್ರ ಸರ್ಕಾರ ಉರುಳಿದರೆ ನಾವು ಜವಾಬ್ದಾರರಲ್ಲ’ ಎಂದು ಶಾಸಕ ಸತೀಶ ಜಾರಕಿಹೊಳಿ ನೀಡಿರುವ ಹೇಳಿಕೆಗೆ ಆರೋಗ್ಯ ಸಚಿವ ಶಿವಾನಂದ ಪಾಟೀಲ ಮೇಲಿನಂತೆ ತೀಕ್ಷ್ಣಪ್ರತಿಕ್ರಿಯೆ ನೀಡಿದರು.

ಸುದ್ದಿಗಾರ ರೊಂದಿಗೆ ಮಾತನಾಡಿದ ಅವರು, ಸತೀಶ ಜಾರಕಿಹೊಳಿ ಅವರಿಗೆ ನಾವು ಯಾರೂ ಯಾವ ಜವಾಬ್ದಾರಿ ಕೊಟ್ಟಿಲ್ಲ. ಸುಮ್ಮನೆ ಅವರೇ ಹೇಳಿಕೊಂಡ್ರೆ ಏನಾಗುತ್ತದೆ ಎಂದರು. ನಾಗಠಾಣ ಮೀಸಲು ಕ್ಷೇತ್ರದ ಜೆಡಿಎಸ್‌ ಶಾಸಕ ದೇವಾನಂದ ಚವ್ಹಾಣ,ಬಳ್ಳಾರಿಯ ಶಾಸಕ ನಾಗೇಂದ್ರ ಬಿಜೆಪಿಗೆ ಹೋಗಲ್ಲ. ಆಪರೇಶನ್‌ ಕಮಲಕ್ಕೆ ಅವರು ಒಳಗಾಗುತ್ತಾರೆಂದು ಕೆಲವರು ಸೃಷ್ಟಿಸಿದ್ದಾರೆ.ಕಾಂಗ್ರೆಸ್‌-ಜೆಡಿಎಸ್‌ನ ಯಾವ ಶಾಸಕರೂ, ಬಿಜೆಪಿಗೆ ಹೋಗಲ್ಲ.
ಆಪರೇಶನ್‌ ಕಮಲ ಸಾಧ್ಯವೇ ಇಲ್ಲ ಎಂದರು.