ರಾನಿಕ್‌-ಡೆಲ್‌ ಪೊಟ್ರೊ ಸೆಮಿಫೈನಲ್‌ ಮುಖಾಮುಖೀ

ಇಂಡಿಯಾನಾ ವೆಲ್ಸ್‌: ಇಂಡಿಯಾನಾ ವೆಲ್ಸ್‌ ಟೆನಿಸ್‌ ಪಂದ್ಯಾವಳಿಯ ಪುರುಷರ ಸಿಂಗಲ್ಸ್‌ ಸೆಮಿಫೈನಲ್‌ನಲ್ಲಿ ಕೆನಡಾದ ಮಿಲೋಸ್‌ ರಾನಿಕ್‌ ಮತ್ತು ಆರ್ಜೆಂಟೀನಾದ ಜುವಾನ್‌ ಮಾರ್ಟಿನ್‌ ಡೆಲ್‌ ಪೊಟ್ರೊ ಪರಸ್ಪರ ಎದುರಾಗಲಿದ್ದಾರೆ.

ಶುಕ್ರವಾರ ರಾತ್ರಿ ನಡೆದ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಮಿಲೋಸ್‌ ರಾನಿಕ್‌ ಅಮೆರಿಕದ ಸ್ಯಾಮ್‌ ಕ್ವೆರ್ರಿ ಅವರನ್ನು 7-5, 2-6, 6-3ರಿಂದ ಸೋಲಿಸಿದರೆ, ವಿಶ್ವದ ನಂ. 8 ಟೆನಿಸಿಗ ಜುವಾನ್‌ ಮಾರ್ಟಿನ್‌ ಡೆಲ್‌ ಪೊಟ್ರೊ ಜರ್ಮನಿಯ ಫಿಲಿಪ್‌ ಕೋಹ್ಲಶ್ರೀಬರ್‌ ಅವರನ್ನು 3-6, 6-3, 6-4 ಅಂತರದಿಂದ ಪರಾಭವಗೊಳಿಸಿದರು.ಇನ್ನೊಂದು ಸೆಮಿಫೈನಲ್‌ ರೋಜರ್‌ ಫೆಡರರ್‌ ಮತ್ತು ಬೋರ್ನ ಕೊರಿಕ್‌ ನಡುವೆ ಸಾಗಲಿದೆ.