ಸುಡಾನ್‌ನಲ್ಲಿ ಸೇನಾ ದಂಗೆ

ಖಾತೊಮ್‌: ಸುಡಾನ್‌ನಲ್ಲಿ ಕಳೆದ ಮೂರು ದಶಕಗಳಿಂದಲೂ ಆಡಳಿತ ನಡೆಸುತ್ತಿದ್ದ ಉಮರ್‌ ಅಲ್‌ ಬಶಿರ್‌ ಸರಕಾರವನ್ನು ಅಲ್ಲಿನ ಸೇನೆ ಉರುಳಿಸಿದೆ. ಕಳೆದ ಕೆಲವು ತಿಂಗಳುಗಳಿಂದಲೂ ಬಶೀರ್‌ ಸರಕಾರದ ವಿರುದ್ಧ ವ್ಯಾಪಕ ಪ್ರತಿಭಟನೆ ದೇಶಾದ್ಯಂತ ನಡೆಯುತ್ತಿತ್ತು. ಸರಕಾರವನ್ನು ವಶಪಡಿಸಿಕೊಂಡು, ಬಶೀರ್‌ರನ್ನು ಸುರಕ್ಷಿತ ಪ್ರದೇಶದಲ್ಲಿ ಇಡಲಾಗಿದೆ ಎಂದು ರಕ್ಷಣಾ ಸಚಿವ ಅವದ್‌ ಇಬೌ°ಫ್ ಹೇಳಿದ್ದಾರೆ. 1989ರಲ್ಲಿ ಸೇನಾ ದಂಗೆಯ ಮೂಲಕವೇ ಬಶೀರ್‌ ಅಧಿಕಾರಕ್ಕೇರಿದ್ದರು. ಯುದ್ಧ ಹಿಂಸೆ ಹಾಗೂ ನರಹತ್ಯೆ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ಇವರ ವಿರುದ್ಧ ಅಂತಾರಾಷ್ಟ್ರೀಯ ಅಪರಾಧ ನ್ಯಾಯಾಲಯದಲ್ಲಿ ಪ್ರಕರಣ ಸಾಬೀತಾಗಿದೆ. ಕಳೆದ ಡಿಸೆಂಬರ್‌ನಲ್ಲಿ ಬ್ರೆಡ್‌ ಬೆಲೆಯನ್ನು ಮೂರು ಪಟ್ಟು ಹೆಚ್ಚಿಸಿದ್ದರಿಂದ ಆರಂಭವಾದ ಪ್ರತಿಭಟನೆ ಹಿಂಸಾತ್ಮಕ ರೂಪ ತಾಳಿತ್ತು.