ಜಮ್ಮು ಕಾಶ್ಮೀರ : ಪೊಲೀಸ್‌ ತಂಡದ ಮೇಲೆ ಉಗ್ರರಿಂದ ಗುಂಡಿನ ದಾಳಿ

ಶ್ರೀನಗರ : ಜಮ್ಮು  ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿಂದು ಉಗ್ರರು ಪೊಲೀಸ್‌ ತಂಡದ ಮೇಲೆ ಗುಂಡಿನ ದಾಳಿ ನಡೆಸಿರುವುದಾಗಿ ವರದಿಯಾಗಿದೆ. ಆದರೆ ಪೊಲೀಸರ ಕಡೆಯಲ್ಲಿ ಯಾವುದೇ ಜೀವ ಹಾನಿ, ಗಾಯ ಆಗಿಲ್ಲ ಎಂದು ವರದಿಗಳು ತಿಳಿಸಿವೆ.

ಉತ್ತರ ಕಾಶ್ಮೀರ ಜಿಲ್ಲೆಯ ಸೋಪೋರ್‌ ಬೈಪಾಸ್‌ನಲ್ಲಿ ಉಗ್ರರು ಪೊಲೀಸ್‌ ತಂಡದ ಮೇಲೆ ದೂರದಿಂದ ಗುಂಡೆಸೆದರು.

ಪ್ರಕೃತ ಭದ್ರತಾ ಪಡೆಗಳು ಇಡಿಯ ಪ್ರದೇಶವನ್ನು ಸುತ್ತು ವರಿದಿದ್ದು ಉಗ್ರರಿಗಾಗಿ ಶೋಧ ಕಾರ್ಯ ನಡೆಸುತ್ತಿದ್ದಾರೆ ಎಂದು ವಕ್ತಾರ ತಿಳಿಸಿದ್ದಾರೆ.