ಮನೆಯವರ ಮನವಿಗೆ ಓಗೊಟ್ಟು ಭಯೋತ್ಪಾದನೆ ತೊರೆದ ಯುವಕ

ಶ್ರೀನಗರ : ಅಪರಿಚಿತ ಭಯೋತ್ಪಾದಕನೋರ್ವ ದಕ್ಷಿಣ ಕಾಶ್ಮೀರ ಪ್ರದೇಶದಲ್ಲಿನ ತನ್ನ ಮನೆಯವರ ಒತ್ತಾಯಕ್ಕೆ ಮಣಿದು ಹಿಂಸೆಯ ಮಾರ್ಗವನ್ನು ತೊರೆದು ಮನೆಗೆ ಮರಳಿರುವುದಾಗಿ ಪೊಲೀಸ್‌ ಮಹಾ ನಿರ್ದೇಶಕ ಎಸ್‌ ಪಿ ವೇದ್‌ ಅವರು ಟ್ವೀಟ್‌ ಮಾಡುವ ಮೂಲಕ ತಿಳಿಸಿದ್ದಾರೆ.

ಭಯೋತ್ಪಾದನೆಯನ್ನು ತೊರೆದು ತನ್ನ ಮನೆಯವರನ್ನು ಸೇರಿಕೊಂಡಿರುವ ಯುವಕನ ಹೆಸರು, ಗುರುತು, ವಿಳಾಸ ಇತ್ಯಾದಿಗಳನ್ನು ಆತನ ಸುರಕ್ಷೆ ಮತ್ತು ಭದ್ರತೆಯ ಕಾರಣಕ್ಕಾಗಿ ಗೌಪ್ಯವಾಗಿ ಇರಿಸಲಾಗಿದೆ ಎಂದವರು ಹೇಳಿದ್ದಾರೆ.

ಕಳೆದ ವರ್ಷದಿಂದ ಈಚೆಗೆ ಜಮ್ಮು ಕಾಶ್ಮೀರದಲ್ಲಿ 12ಕ್ಕೂ ಹೆಚ್ಚು ಉಗ್ರರು ಭಯೋತ್ಪಾದನೆಯನ್ನು ತೊರೆದು ತಮ್ಮ ಮನೆಯವರ ಆಸೆಯಂತೆ ಮನೆಗೆ ಮರಳಿದ್ದಾರೆ ಎಂದು ವೇದ್‌ ಹೇಳಿದರು.