ಕೇಂದ್ರ ಕಾಶ್ಮೀರದ ಗಂದೇರ್‌ಬಾಲ್‌ನಲ್ಲಿ ಉಗ್ರರ ಅಡಗು ತಾಣ ಪತ್ತೆ

ಶ್ರೀನಗರ: ಕೇಂದ್ರ ಕಾಶ್ಮೀರದ ಗಂದೇರ್‌ಬಾಲ್‌ನಲ್ಲಿ ಉಗ್ರರ ಅಡಗುತಾಣವೊಂದನ್ನು ಪತ್ತೆ ಹಚ್ಚಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಖಚಿತ ಮಾಹಿತಿಯ ಮೇರೆಗೆ ಪೊಲೀಸರು ಮತ್ತು ಸೇನಾಪಡೆಗಳು ಜಂಟಿ ಕಾರ್ಯಾಚರಣೆ  ನಡೆಸಿ ಶಸ್ತ್ರಾಸ್ತ್ರಗಳು ಮತ್ತು ಯುದ್ಧ ಸಾಮಗ್ರಿಗಳನ್ನು ವಶಪಡಿಸಿಕೊಂಡಿದ್ದಾರೆ.

ಎರಡು ವೈಲ್‌ಲೆಸ್‌ ಸೆಟ್‌ಗಳು, ಗ್ರೆನೇಡ್‌ ಫ್ಯೂಸ್‌ಗಳು, ಗ್ರೆನೇಡ್‌ ಕ್ಲಿಪ್ಸ್‌ , 50 ಎಕೆ ರೌಂಡ್ಸ್‌, ಎರಡು ಎಸ್‌ಎಲ್‌ಆರ್‌ಗಳು,6 ಗ್ರೆನೇಡ್‌ ಕವರ್‌ಗಳನ್ನು ಅಡಗುತಾಣದಲ್ಲಿ ಪತ್ತೆಹಚ್ಚಲಾಗಿದೆ.

ಕಾರ್ಯಾಚರಣೆ ವೇಳೆ ಸ್ಥಳದಲ್ಲಿ ಯಾವುದೇ ಉಗ್ರರು ಪತ್ತೆಯಾಗಿಲ್ಲ.