ಮಹಾರಾಷ್ಟ್ರದ ಪಾಲಘರ್‌ನಲ್ಲಿ ಲಘು ಭೂಕಂಪನ; ಸಾವು-ನೋವು ಇಲ್ಲ

ಪಾಲ್‌ಘರ್‌ : ಮಹಾರಾಷ್ಟ್ರದ ಪಾಲ್‌ಘರ್‌ ಜಿಲ್ಲೆಯಲ್ಲಿ ಇಂದು ಬುಧವಾರ ಬೆಳಗ್ಗೆ ಸುಮಾರು 10.44ರ ಹೊತ್ತಿಗೆ 3.1 ಅಂಕಗಳ ತೀವ್ರತೆಯಲ್ಲಿ ಲಘುವಾಗಿ ಭೂಮಿ ಕಂಪಿಸಿದ ಘಟನೆ ನಡೆದಿದೆ.

ಕಳೆದ ವರ್ಷ ನವೆಂಬರ್‌ ನಿಂದಲೂ ಈ ರೀತಿಯ ಭೂ ಕಂಪನದ ಘಟನೆಗಳು ಈ ಜಿಲ್ಲೆಯಲ್ಲಿ ನಡೆಯುತ್ತಿರುವುದು ಗಮನಾರ್ಹವಾಗಿದೆ.

ಇಂದಿನ ಭೂಕಂಪನದ ಘಟನೆಯಿಂದ ಯಾವುದೇ ಸಾವು ನೋವು, ನಾಶ ನಷ್ಟ ಉಂಟಾದ ವರದಿಗಳಿಲ್ಲ. ಧುಂಧಲವಾಡಿ ಗ್ರಾಮ ಮತ್ತು ಆಸುಪಾಸಿನ ಹತ್ತು ಕಿ.ಮೀ. ವ್ಯಾಪ್ತಿಯ ಪ್ರದೇಶದಲ್ಲಿ ಭೂಮಿ ಕಂಪಿಸಿದ ಅನುಭವ ಜನರಿಗೆ ಆಗಿದೆ. ಈ ಪ್ರದೇಶದಲ್ಲಿ ಸುಮಾರು 3,000 ಜನರು ವಾಸವಾಗಿದ್ದಾರೆ.