Advertisement
ಆರಂಭದಲ್ಲಿ ವರ್ಣಿಸಿದ್ದಷ್ಟು ರೋಚಕವಾಗಿ ಈ ಹೋರಾಟ ನಡೆಯಲಿಲ್ಲ. ತಲಾ 2 ನಿಮಿಷದ 8 ಸುತ್ತಿನ ಪಂದ್ಯದಲ್ಲಿ ಅವಿರೋಧವಾಗಿ ಪೌಲ್‌ ಗೆದ್ದರು. ಒಬ್ಬ ತೀರ್ಪುಗಾರ ಪೌಲ್‌ ಪರವಾಗಿ 80-72, ಇನ್ನೊಬ್ಬ ತೀರ್ಪುಗಾರ 79-73ರ ತೀರ್ಪು ನೀಡಿದರು. ಇಡೀ ಪಂದ್ಯ ಆಟಕ್ಕಿಂತ ಹೆಚ್ಚಾಗಿ ಇತರೆ ವಿವಾದಗಳಿಂದಲೇ ಸುದ್ದಿಯಾಯಿತು.
Related Articles
Advertisement
ಇದೇ ಮೊದಲ ಬಾರಿ ದೊಡ್ಡದೊಂದು ಕ್ರೀಡಾಸ್ಪರ್ಧೆಯನ್ನು ನೇರಪ್ರಸಾರದ ಮಾಡಿದ ನೆಟ್‌ಫ್ಲಿಕ್ಸ್‌ ಟೀಕಾಪ್ರಹಾರಕ್ಕೆ ತುತ್ತಾಯಿತು. ಭಾರತೀಯ ಕಾಲಮಾನ ಶನಿವಾರ ಬೆಳಗ್ಗೆ ನಡೆದ ಸ್ಪರ್ಧೆಯಲ್ಲಿ ಒಮ್ಮೆಲೆ 12 ಕೋಟಿ ಮಂದಿ ವಿಶ್ವಾದ್ಯಂತ ಲಾಗಿನ್‌ ಆದರು. ಇದು ಫ್ಲಿಕ್ಸ್‌ ಕ್ರ್ಯಾಶ್‌ ಆಗಲು ಕಾರಣವಾಯಿತು. ಪಂದ್ಯಕ್ಕೂ ಪೂರ್ವ, ಪಂದ್ಯದ ವೇಳೆ ಪ್ರಸಾರ ಸುಗಮವಾಗಿರಲಿಲ್ಲ ಎಂದು ಅಭಿಮಾನಿಗಳು ಸಿಟ್ಟಾದರು.
ಟೈಸನ್‌ ಬೆತ್ತಲೆಯಿದ್ದ ದೃಶ್ಯ ಪ್ರಸಾರ!:
ಪಂದ್ಯಕ್ಕೂ ಮುನ್ನ ಟೈಸನ್‌ ಸಂದರ್ಶನ ನಡೆಯುತ್ತಿದ್ದಾಗ ಇನ್ನೊಂದು ಘಟನೆ ನಡೆಯಿತು. ಸಂದರ್ಶನ ನೀಡಿ ಮುಗಿಸಿದ ಟೈಸನ್‌ ಮುಂದೆ ಹೋಗುತ್ತಿದ್ದಾಗ ದಿಢೀರನೆ ಅವರ ಹಿಂಭಾಗ ನಗ್ನವಾಗಿರುವ ದೃಶ್ಯವೊಂದು ಸಿಕ್ಕಿದೆ. ಇದು ಫ್ಲಿಕ್ಸ್‌ನಲ್ಲಿ ಪ್ರಸಾರವೂ ಆಗಿದೆ. ಇದನ್ನು ಅಭಿಮಾನಿಗಳು ಹಾಸ್ಯ ಮಾಡಿದ್ದಾರೆ.