ನವದೆಹಲಿ: ಮೈಕ್ರೋಸಾಫ್ಟ್ ಸಂಸ್ಥೆಯು ಸರ್ಫೇಸ್ ಗೋ 3 ಲ್ಯಾಪ್‌ಟಾಪ್‌ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ.
ಬುಧವಾರದಿಂದಲೇ ಅದರ ಮುಂಗಡ ಬುಕ್ಕಿಂಗ್‌ ಕೂಡ ಆರಂಭವಾಗಿದೆ. ಸರ್ಫೇಸ್ ಗೋ 2 ಲ್ಯಾಪ್‌ಟಾಪ್‌ಗಿಂತ ಶೇ. 60ರಷ್ಟು ಹೆಚ್ಚು ವೇಗ ಇದರಲ್ಲಿದೆ ಎಂದು ಸಂಸ್ಥೆ ಹೇಳಿದೆ.
ಇದರಲ್ಲಿ 10ನೇ ಜನರೇಷನ್‌ನ ಇಂಟೆಲ್‌ ಕೋರ್‌ ಐ-3 ಪ್ರೊಸೆಸರ್‌ ಅಳವಡಿಸಲಾಗಿದೆ. 10.5 ಇಂಚು ಡಿಸ್ಪ್ಲೇ ಇರುವ ಈ ಲ್ಯಾಪ್‌ಟಾಪ್‌ನಲ್ಲಿ 5ಎಂಪಿ ಕ್ಯಾಮರಾ ಸೇರಿಸಲಾಗಿದೆ.
ವಿಂಡೋಸ್‌ 11ರೊಂದಿಗೆ ಬರುವ ಲ್ಯಾಪ್‌ಟಾಪ್‌ ಸ್ಟೋರೇಜ್‌ ವಿಚಾರದಲ್ಲಿ ಹಲವು ಆಯ್ಕೆಗಳಲ್ಲಿ ಲಭ್ಯ.
ಇಂಟೆಲ್‌ ಪೆಂಟಿಯಮ್‌ ಗೋಲ್ಡ್‌ ಪ್ರೊಸೆಸರ್‌ 8ಜಿಬಿ ರ್ಯಾಮ್‌ ಮತ್ತು 128ಜಿಬಿ ಸ್ಟೋರೇಜ್‌ ಇರುವ ಲ್ಯಾಪ್‌ಟಾಪ್‌ ಅಮೇಜಾನ್‌ನಲ್ಲಿ 57,999 ರೂಪಾಯಿಗೆ ಲಭ್ಯ.
ಇದನ್ನೂ ಓದಿ:ಗೋವಾ: ತಾಂತ್ರಿಕ ಸಮಸ್ಯೆಯಿಂದಾಗಿ ಜುವಾರಿ ಸೇತುವೆ ಉದ್ಘಾಟನೆ ಮುಂದೂಡಿಕೆ
