ಡಾ|ಜೋಳದರಾಶಿ ದೊಡ್ಡನಗೌಡರ ಪುಣ್ಯಸ್ಮರಣೆ

ಬಳ್ಳಾರಿ: ನಗರದ ರಾಘವ ಕಲಾ ಮಂದಿರದಲ್ಲಿ ಗಮಕ ಕಲಾನಿಧಿ ಡಾ| ಜೋಳದರಾಶಿ ದೊಡ್ಡನಗೌಡ ಅವರ 26ನೇ ಪುಣ್ಯಸ್ಮರಣೆ ಕಾರ್ಯಕ್ರಮ ಸೋಮವಾರ ಸರಳವಾಗಿ ನಡೆಯಿತು.

ರಾಘವ ಮೆಮೋರಿಯಲ್‌ ಅಸೋಸಿಯೇಷನ್‌ ವತಿಯಿಂದ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಸಂಸ್ಥೆ ಪದಾಧಿಕಾರಿಗಳು, ಜೋಳದರಾಶಿ ದೊಡ್ಡನಗೌಡ ಕುಟುಂಬದ ಸದಸ್ಯರು ದೊಡ್ಡನಗೌಡರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸುವ ಮೂಲಕ ಪುಣ್ಯಸ್ಮರಣೆ ಆಚರಿಸಿದರು. ಬಳಿಕ ಸಂಸ್ಥೆ ಉಪಾಧ್ಯಕ್ಷ ಬಸವರಾಜ್‌ ಉಪನ್ಯಾಸ ನೀಡಿದರು. ಜೋಳದರಾಶಿ ದೊಡ್ಡನಗೌಡರ ಸಂಘ ಸಂಸ್ಥೆಗಳ ಸೇವೆ, ನಾಟಕಗಳು, ಗಮಕಿ ಗಾಯನ ಮತ್ತವರ ಸಾಧನೆಗಳನ್ನು ಸ್ಮರಿಸಿದರು.

ಅಸೋಸಿಯೇಷನ್‌ ಅಧ್ಯಕ್ಷ ಕೊಟೇಶ್ವರ್‌ ರಾವ್‌, ಗೌರವಾಧ್ಯಕ್ಷ ಚನ್ನಪ್ಪ, ಉಪಾಧ್ಯಕ್ಷ ರಾಮಾಂಜನೇಯಲು, ಗೌರವ ಕಾರ್ಯದರ್ಶಿ ರಮೇಶ್‌ ಗೌಡ ಪಾಟೀಲ್‌, ಖಜಾಂಚಿ ಧನಂಜಯ, ರಾಮಾಂಜನೇಯಲು, ಅಮರೇಂದ್ರನಾಥ, ಕೃಷ್ಣ, ಶ್ಯಾಮಸುಂದರ್‌, ಗೋಪಾಲಕೃಷ್ಣ, ಪ್ರಕಾಶ್‌, ಸಂಸ್ಥೆ ಮಾಜಿ ಅಧ್ಯಕ್ಷ ಸಿದ್ದನಗೌಡ, ಪ್ರಭಾಕರ, ಸಿದ್ದರಾಮ ಕಲ್ಮಠ, ಪ್ರಭುದೇವ, ವಿಠ್ಠಲ್‌, ಮಧುಸೂದನ, ಜೋಳದ ರಾಶಿ ದೊಡ್ಡನಗೌಡ ಕುಟುಂಬದ ಪೊಂಪನಗೌಡರು, ಇತರರು ಉಪಸ್ಥಿತರಿದ್ದರು.