ಮೇದಿನಡ್ಕ: 1,200 ಬೀಜದುಂಡೆ ತಯಾರಿ

ಸುಳ್ಯ: ಸಾಮಾಜಿಕ ಅರಣ್ಯ ವಲಯದ ಮೇದಿನಡ್ಕ ಕೇಂದ್ರೀಯ ನರ್ಸರಿಯಲ್ಲಿ ಭಾರತ್‌ ಸ್ಕೌಟ್‌ ಮತ್ತು ಗೈಡ್ಸ್‌ ಸ್ಥಳೀಯ ಸಂಸ್ಥೆ, ಸುಳ್ಯ ಮತ್ತು ಸಾಮಾಜಿಕ ಅರಣ್ಯ ವಲಯ ಇದರ ಸಹಭಾಗಿತ್ವದಲ್ಲಿ ಬೀಜದುಂಡೆ ತಯಾರಿ ನಡೆಯಿತು.

ಸುಳ್ಯ ಘಟಕದ ವಲಯ ಅರಣ್ಯ ಅಧಿಕಾರಿ ಪ್ರೀತಿ ನಾಯ್ಕ ಅವರು ಸ್ಕೌಟ್‌ ಗೈಡ್‌ ವಿದ್ಯಾರ್ಥಿಗಳಿಗೆ ಬೀಜದುಂಡೆ ತಯಾರಿ ಪ್ರಾತ್ಯಕ್ಷಿಕೆ ನಡೆಸಿಕೊಟ್ಟರು. ಒಟ್ಟು 65 ಸ್ಕೌಟ್‌ ಗೈಡ್‌ ವಿದ್ಯಾರ್ಥಿಗಳು 1,200ಕ್ಕಿಂತ ಹೆಚ್ಚು ಬೀಜದುಂಡೆ ತಯಾರಿಸಲು ನೆರವಾದರು.

ರೋಟರಿ ಆಂಗ್ಲ ಮಾಧ್ಯಮ ಶಾಲೆಯ 38, ಸವೇರಪುರ ಆಂಗ್ಲ ಮಾಧ್ಯಮ ಶಾಲೆಯ 10, ಶಾರದಾ ಬಾಲಕಿಯರ ಪ್ರೌಢಶಾಲೆಯ 12, ಸ.ಹಿ.ಪ್ರಾ. ಶಾಲೆ ನಾಗಪಟ್ಟಣದಿಂದ 5 ಮಂದಿ ಸ್ಕೌಟ್‌ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ಅರಣ್ಯಾಧಿಕಾರಿ ವಸಂತ, ಸಂಘ ಸಂಸ್ಥೆಯ ಎಸ್‌.ಎಂ. ಬಾಪೂ ಸಾಹೇಬ್‌, ಉಪಾಧ್ಯಕ್ಷ ಹರಿ ಪೈಂದೋಡಿ, ಕೇಶವ ಸಿ.ಎ., ಸಹಾಯಕ ಜಿಲ್ಲಾ ಆಯುಕ್ತ ರಾಮಕೃಷ್ಣ ಕೆ., ಅಬೂಬಕ್ಕರ್‌ ಕಟ್ಟೆಕಾರ್ ಉಪಸ್ಥಿತರಿದ್ದರು.