ವಂಚಕ ಮೆಹುಲ್‌ ಚೋಕ್ಸಿ ಗಡಿಪಾರಿಗೆ ತಡೆ

ರೊಜೊಹ್‌: ಪಂಜಾಬ್‌ ನ್ಯಾಶನಲ್‌ ಬ್ಯಾಂಕ್‌ಗೆ 13,000 ಕೋಟಿ ರೂ. ವಂಚನೆ ಮಾಡಿ ಭಾರತದಿಂದ ಪರಾರಿಯಾಗಿರುವ ಮೆಹುಲ್‌ ಚೋಕ್ಸಿ ಪರವಾಗಿ ಕೆರಿಬಿಯನ್‌ ನ್ಯಾಯಾಲಯ ತೀರ್ಪು ನೀಡಿದೆ.

ಅವರನ್ನು ಆ್ಯಂಟಿಗುವ ಮತ್ತು ಬಾರ್ಬುಡಾ­ದಿಂದ ಗಡಿ­ಪಾರು ಮಾಡು ವಂತಿಲ್ಲ ಎಂದು ಆದೇಶಿಸಿದೆ. 2021ರ ಮೇ 23 ಅಥವಾ ಅನಂತರ ಚೋಕ್ಸಿಯನ್ನು ಗಡಿ ಪಾರು ಮಾಡುವಂತೆ ಸ್ಥಳೀ ಯ ಆಡಳಿತ ಸೂಚಿಸಿತ್ತು. ಇದರ ವಿರುದ್ಧ ಚೋಕ್ಸಿ ಕೋರ್ಟ್‌ ಮೆಟ್ಟಿಲೇರಿದ್ದರು. “ತನ್ನನ್ನು ಅಮಾನವೀಯವಾಗಿ ನಡೆಸಿಕೊಳ್ಳಲಾಗುತ್ತಿದೆ, ಶಿಕ್ಷೆಗೆ ಗುರಿಗೊಳಪಡಿಸಲು ಪ್ರಯತ್ನಿಸಲಾಗುತ್ತಿದೆ’ ಎಂದು ಅರ್ಜಿಯಲ್ಲಿ ಚೋಕ್ಸಿ ಉಲ್ಲೇಖೀಸಿದ್ದಾನೆ.

2018ರಲ್ಲಿ ಈತನ ವಿರುದ್ಧ ಸಿಬಿಐ ವಂಚನೆ ಆರೋಪ ದಾಖಲಿಸಿದೆ. 2018ರಲ್ಲಿ ಇಂಟರ್‌ಪೋಲ್‌ ಈತನ ವಿರುದ್ಧ ರೆಡ್‌ ಕಾರ್ನರ್‌ ನೋಟಿಸ್‌ ಹೊರಡಿಸಿದೆ. ಕೆಲವು ದಿನಗಳ ಹಿಂದೆ ರೆಡ್‌ ಕಾರ್ನರ್‌ ನೋಟಿಸ್‌ ಹಿಂಪಡೆ ಯಲಾಗಿತ್ತು. ಪುನಃ ಇದನ್ನು ಜಾರಿ ಮಾಡುವಂತೆ ಭಾರತ ಸರಕಾರ ಇಂಟರ್‌ಪೋಲ್‌ಗೆ ಹೇಳಿದೆ.