ತರಂಗಾಂತರಂಗ: ಔಷಧೀಯ ಗುಣಗಳ ರುದ್ರಾಕ್ಷಿ; ಇದರಲ್ಲಿರುವ ವಿಟಮಿನ್ ಗುಣದ ಸಂಪೂರ್ಣ ಮಾಹಿತಿ

ಹಲವಾರು ವರ್ಷಗಳವರೆಗೆ ರುದ್ರಾಕ್ಷಿ ಧಾರಣ ಮಾಡಿ ಸರಳ ಜೀವನ ನಡೆಸಿದ ಅನೇಕ ಮಹನೀಯರಿಗೆ ಅವರ ಶಾರೀರಿಕ ಆರೋಗ್ಯದ ಮೇಲೆ ಉಂಟಾದ ಉಪಯುಕ್ತ ಪರಿಣಾಮಗಳನ್ನು ಇತ್ತೀಚಿನ ವೈಜ್ಞಾನಿಕ ಸಂಶೋಧನೆಗಳು, ಆಯುರ್ವೇದ ವೈದ್ಯ ಶಾಸ್ತ್ರಗಳು ದೃಢಪಡಿಸಿವೆ.

ರುದ್ರಾಕ್ಷಿಯ ಚೂರ್ಣ ಅಥವಾ ಭಸ್ಮಗಳನ್ನು ಇತರ ಕೆಲವು ಸಸ್ಯೌಷಧಿಗಳೊಡನೆ ಸೇರಿಸಿ ಕ್ರಮಬದ್ಧವಾಗಿ ಸೇವಿಸಿದರೆ ಹಲವಾರು ಶಾರೀರಿಕ ಮತ್ತು ಮಾನಸಿಕ ಕಾಯಿಲೆಗಳನ್ನು ನಿವಾರಿಸಬಹುದು.

ರುದ್ರಾಕ್ಷಿಯಲ್ಲಿ ಪ್ರಾಕೃತಿಕ ಜೀವಸತ್ವ (ವಿಟಮಿನ್‌) ‘ಸಿ’ ಧಾರಾಳವಿದ್ದು ಇದರಲ್ಲಿ ವಾತಹರ, ಕಫ‌ನಾಶಕ ಗುಣಗಳಿವೆ. ಶರೀರದ ರಕ್ತ ಪ್ರವಾಹವನ್ನು ನಿಯಂತ್ರಿಸಿ, ಚೈತನ್ಯವನ್ನು (ಎನರ್ಜಿ) ಪ್ರಸರಿಸಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು.

ಪ್ರಾರಂಭಾವಸ್ಥೆಯ ನೇವಸ, ಸಂಧಿವಾತ ಮತ್ತು ಎದೆ ನೋವು, ಅಧಿಕ ರಕ್ತದೊತ್ತಡ, ಕೊಲೆಸ್ಟರಾಲ್ ಗಳನ್ನು ಕಡಿಮೆ ಮಾಡಿ ಹೃದಯ ದೌರ್ಬಲ್ಯವನ್ನು ನಿವಾರಿಸುತ್ತದೆ. ಚರ್ಮದ ಅಲರ್ಜಿ (ತುರಿಕೆ) ಸಿಹಿಮೂತ್ರ, ಅರ್ಬುದ (ಕ್ಯಾನ್ಸರ್‌)ಗಳ ಚಿಕಿತ್ಸೆಗಳು ಫ‌ಲಕಾರಿಯಂದು ತಿಳಿದುಬಂದಿದೆ.

ಇದನ್ನೂ ಓದಿ: ರುದ್ರಾಕ್ಷಿ ಶಾರೀರಿಕ, ಮಾನಸಿಕ ಆರೋಗ್ಯದ ಗವಾಕ್ಷಿ- ಇಲ್ಲಿದೆ ವಿಶೇಷತೆಗಳು

ಅನಗತ್ಯ ಬೊಜ್ಜನ್ನು ಕರಗಿಸಬಹುದು. ಮೆದುಳಿನ ಕಾರ್ಯ ವೈಖರಿಯನ್ನು ಸುಗಮಗೊಳಿಸಿ ಕಣ್ಣು ಕಿವಿ, ಗಂಟಲುಗಳ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಕೇಂದ್ರ ನರಮಂಡಲದ ಮೇಲೂ ಒಳ್ಳೆಯ ಪರಿಣಾಮ ಬೀರಿ ಶಾರೀರಿಕ ಮತ್ತು ಮಾನಸಿಕ ಕಾಯಿಲೆಗಳನ್ನು ಹತೋಟಿಯಲ್ಲಿಡಬಹುದು. ಈ ವಿಷಯಗಳು ಹಲವು ಆಯುರ್ವೇದ ಸಂಹಿತೆಗಳಲ್ಲಿ ನಿರೂಪಿಸಲ್ಪಟ್ಟಿವೆ.

ಇದನ್ನೂ ಓದಿ: ರುದ್ರಾಕ್ಷಿ ಧಾರಣೆಯ ವೈಜ್ಞಾನಿಕ ಉಪಯೋಗಗಳು ನಿಮಗೆ ಗೊತ್ತೇ?

ಆಧುನಿಕ ವಿಜ್ಞಾನ ಪದ್ಧತಿಯಲ್ಲಿ ಸಂಶೋಧನೆ ಮಾಡಿದರೆ ಇನ್ನೂ ಹಲವಾರು ಅಮೂಲ್ಯ ಗುಣಗಳು ಪ್ರಕಟಗೊಳ್ಳಬಹುದು. ಇದಕ್ಕೆ ವೈದ್ಯ ವಿಜ್ಞಾನದ ಹಲವಾರು ವಿಭಾಗಗಳಲ್ಲಿನ ತಜ್ಞರು, ರಸಾಯನ ಶಾಸ್ತ್ರ, ಶರೀರ ಶಾಸ್ತ್ರ ಸೂಕ್ಷ್ಮಾಣು ವಿಜ್ಞಾನ (ಮೈಕ್ರೋಬಯಾಲಜಿ) ಇತ್ಯಾದಿಗಳಲ್ಲಿ ಸಂಶೋಧನೆ ಮಾಡಿದವರು ಒಟ್ಟುಗೂಡಿ ಸಂಶೋಧನೆ ಮಾಡಿ ಪರಿಣಾಮಗಳನ್ನು ಸರಿಯಾಗಿ ವಿಶ್ಲೇಷಿಸಿದರೆ ಇನ್ನೂ ಹಲವಾರು ಆಶ್ಚರ್ಯಕರ ಪರಿಣಾಮಗಳು ಬೆಳಕಿಗೆ ಬರುವ ಸಾಧ್ಯತೆಯಿದೆ.

ಇದನ್ನೂ ಓದಿ: ಹೇಗಿರುತ್ತದೆ ರುದ್ರಾಕ್ಷಿ ಮರ? ಏಕಮುಖಿ ರುದ್ರಾಕ್ಷಿ ಶ್ರೇಷ್ಠವೇ? : ಇಲ್ಲಿದೆ ಫುಲ್ ಡಿಟೇಲ್ಸ್

ಇದನ್ನೂ ಓದಿ: ರುದ್ರಾಕ್ಷಿಗಳಲ್ಲಿರುವ ಪ್ರಬೇಧಗಳು ಮತ್ತು ಇವುಗಳ ಧಾರಣೆಯಿಂದ ಆಗುವ ಪ್ರಯೋಜನಗಳ Full Details

ಮುಂದುವರಿಯುವುದು…

(ನಾಳೆ: ರುದ್ರಾಕ್ಷಿಯ ವೈದ್ಯಕೀಯ ಪರಿಣಾಮಗಳ ವೈಜ್ಞಾನಿಕ ಹಿನ್ನಲೆ)