ಮೆಡಿಕಲ್‌ ಇಂಟರ್ನ್ ಶಿಪ್‌ ಅವಧಿ ವಿಸ್ತರಣೆ?

ಹೊಸದಿಲ್ಲಿ: ಎಂಬಿಬಿಎಸ್‌ ವಿದ್ಯಾರ್ಥಿಗಳ ಇಂಟರ್ನ್ಶಿಪ್‌ ಅನ್ನು ಜೂ. 30ರ ವರೆಗೆ ವಿಸ್ತರಿಸಲು ಕೇಂದ್ರ ಸರಕಾರ ಒಪ್ಪಿದೆ. ಈ ಬಗ್ಗೆ ಶೀಘ್ರವೇ ಆದೇಶ ಪ್ರಕಟವಾಗಲಿದೆ. ಸದ್ಯ ಇರುವ ನಿಯಮದ ಪ್ರಕಾರ ಅದು ಮಾ. 31ಕ್ಕೆ ನಿಗದಿಯಾದಂತೆ ಮುಕ್ತಾಯವಾಗಬೇಕಾಗಿದೆ.

ದಿನಾಂಕ ವಿಸ್ತರಣೆಯಾಗದಿದ್ದರೆ ನೀಟ್‌-ಪಿಜಿಗೆ ಸಿದ್ಧತೆ ನಡೆಸಲು, ಅದನ್ನು ಬರೆಯಲು ಅನನುಕೂಲವಾಗುತ್ತದೆ ಎಂದು ವೈದ್ಯ ವಿದ್ಯಾರ್ಥಿಗಳು ಪ್ರತಿಪಾದಿಸಿದ್ದರು. ಒಂದು ವೇಳೆ ದಿನಾಂಕ ವಿಸ್ತರಣೆಯಾದರೆ, ವೈದ್ಯ ಸ್ನಾತಕೋತ್ತರ ಕೋರ್ಸ್‌ಗಳಿಗಾಗಿನ ಪ್ರವೇಶ ಪರೀಕ್ಷೆ ಕೂಡ ಮುಂದೂಡಿಕೆ ಮಾಡಲೇಬೇಕಾಗುತ್ತದೆ.

ಸದ್ಯದ ಮಾಹಿತಿ ಪ್ರಕಾರ ಮಾ. 5ರಂದು ನೀಟ್‌- ಪಿಜಿ ನಿಗದಿಯಾಗಿದೆ.