ಮೇ 24ರಿಂದ ಪಿಯು ಮೌಲ್ಯಮಾಪನ ಕಾರ್ಯ ಆರಂಭ; ಮೇ 20ರಿಂದ ಬೇಸಗೆ ರಜೆ

ಬೆಂಗಳೂರು: ರಾಜ್ಯಾದ್ಯಂತ ಬುಧವಾರ ನಡೆದ ಹಿಂದಿ ಪರೀಕ್ಷೆಯೊಂದಿಗೆ 2021-22ನೇ ಸಾಲಿನ ದ್ವಿತೀಯ ಪಿಯುಸಿ ಪರೀಕ್ಷೆ ಯಶಸ್ವಿಯಾಗಿ ಮುಕ್ತಾಯಗೊಂಡಿದೆ. ಮೇ 24ರಿಂದ ಮೌಲ್ಯಮಾಪನ ಕಾರ್ಯಗಳು ಆರಂಭವಾಗಲಿವೆ.

ಮೌಲ್ಯಮಾಪನ ಕಾರ್ಯಕ್ಕೆ ಸುಮಾರು 19 ಸಾವಿರ ಉಪನ್ಯಾಸಕರು ನೋಂದಣಿ ಮಾಡಿಕೊಂಡಿದ್ದು, ಮೇ 22 ಮತ್ತು 23ರಂದು ತರಬೇತಿ ನೀಡಲಾಗುತ್ತದೆ. ಮೇ 24ರಿಂದ ಮೌಲ್ಯಮಾಪನ ಕಾರ್ಯಗಳು ಆರಂಭವಾಗಲಿವೆ ಎಂದು ಪಿಯು ಇಲಾಖೆ ತಿಳಿಸಿದೆ.

ನಾಳೆಯಿಂದ ಬೇಸಗೆ ರಜೆ: ಪದವಿ ಪೂರ್ವ ಕಾಲೇಜುಗಳ 2021-22ನೇ ಸಾಲಿನ ಕಾರ್ಯನಿರ್ವಹಣೆ ದಿನವು ಮೇ 19 ಆಗಿದೆ. ಮೇ 20ರಿಂದ ಜೂ.8ರ ವರೆಗೆ ಬೇಸಗೆ ರಜೆ ಘೋಷಿಸಲಾಗಿದೆ.