ಮೇ 23: ದುಬಾೖಯಿಂದ ಇನ್ನೊಂದು ವಿಮಾನ ನಿರೀಕ್ಷೆ

ಮಂಗಳೂರು: ವಿದೇಶದಲ್ಲಿರುವ ಕರಾವಳಿ ಕರ್ನಾಟಕದ ಜನರನ್ನು ಕರೆತರುವ ನಿಟ್ಟಿನಲ್ಲಿ ಈಗಾಗಲೇ ದುಬಾೖನಿಂದ ಮಂಗಳೂರಿಗೆ 2 ವಿಮಾನಗಳು ಬಂದಿದ್ದು, 3ನೇ ವಿಮಾನ ಮೇ 23ರಂದು ಬರುವ ನಿರೀಕ್ಷೆ ಇದೆ ಎಂದು ಕೇಂದ್ರ ಸಚಿವ ಡಿ.ವಿ. ಸದಾನಂದ ಗೌಡ ಅವರು ಟ್ವೀಟ್‌ ಮಾಡಿದ್ದಾರೆ.

ಮೇ 22 ದೋಹಾದಿಂದ ಹಾಗೂ ಮೇ 23ರಂದು ದುಬಾೖಯಿನಿಂದ ಬೆಂಗಳೂರಿಗೆ ವಿಷೇಷ ವಿಮಾನಗಳು ಬರಲಿದ್ದು, ಈ ಎರಡೂ ವಿಮಾನಗಳು ಬಳಿಕ ಬೆಂಗಳೂರಿಂದ ಮಂಗಳೂರಿಗೆ ಸಂಚರಿಸಲಿವೆ. ಆದರೆ ಇದರಲ್ಲಿ ಮಂಗಳೂರಿಗೆ ಬರುವ ಪ್ರಯಾಣಿಕರನ್ನು ಒಯ್ಯುವ ಬಗ್ಗೆ ಅಂತಿಮ ತೀರ್ಮಾನ ಆಗಿಲ್ಲ ಎಂದು ವಿಮಾನ ಯಾನ ಮೂಲಗಳು ತಿಳಿಸಿವೆ.