ಫೈನಲ್‌ಗೆ ಮೇರಿ, ಸೋನಿಯಾ ಚಿನ್ನದ ನಿರೀಕ್ಷೆಯಲ್ಲಿ ಭಾರತ

ಹೊಚಿಮಿನ್‌ ಸಿಟಿ (ವಿಯೆಟ್ನಾಂ): ಐದು ಬಾರಿಯ ವಿಶ್ವ ಚಾಂಪಿಯನ್‌ ಮೇರಿ ಕೋಮ್‌ ಮತ್ತು ಸೋನಿಯಾ ಲಾಥರ್‌ “ಏಶ್ಯನ್‌ ವನಿತಾ ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌’ ಪ್ರಶಸ್ತಿ ಸುತ್ತನ್ನು ಪ್ರವೇಶಿಸಿದ್ದು, ಚಿನ್ನದ ಪದಕದ ನಿರೀಕ್ಷೆ ಮೂಡಿಸಿದ್ದಾರೆ. ಭಾರತದ ಉಳಿದ ಐವರು ಸ್ಪರ್ಧಿಗಳು ಸೆಮಿಫೈನಲ್‌ನಲ್ಲಿ ಸೋತು ಕಂಚಿನ ಪದಕಕ್ಕೆ ತೃಪ್ತರಾದರು.

ಮೇರಿ ಕೋಮ್‌ 48 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಜಪಾನಿನ ತ್ಸುಬಸಾ ಕೊಮುರಾ ಅವರನ್ನು 5-0 ಅಂತರದಿಂದ ಮಣಿಸಿದರು. ಸೋತಿಯಾ ಲಾಥರ್‌ 57 ಕೆಜಿ ವಿಭಾ ಗದ ಸ್ಪರ್ಧೆಯಲ್ಲಿ ಉಜ್ಬೆಕಿಸ್ಥಾನದ ಯೊದ್ಗುರೊಯ್‌ ಮಿಜೇìವಾ ಅವರ ಆಕ್ರಮಣವನ್ನು ತಡೆದು ವಿಜಯಿ ಯಾದರು. 

ಮಾಜಿ ವಿಶ್ವ ಚಾಂಪಿ ಯನ್‌ ಎಲ್‌. ಸರಿತಾ ದೇವಿ (64 ಕೆಜಿ), ಪ್ರಿಯಾಂಕಾ ಚೌಧರಿ (60 ಕೆಜಿ), ಲೊವಿÉನಾ ಬೊರ್ಗೊಹೇನ್‌ (69 ಕೆಜಿ), ಸೀಮಾ ಪುನಿಯಾ (+81 ಕೆಜಿ) ಮತ್ತು ಶಿಕ್ಷಾ (54 ಕೆಜಿ) ಸೆಮಿಫೈನಲ್‌ನಲ್ಲಿ ಸೋತು ಕಂಚಿನ ಪದಕ ಪಡೆದರು.
ಮೇರಿಗೆ 5ನೇ ಫೈನಲ್‌: ಈವರೆಗೆ ಏಶ್ಯನ್‌ ಬಾಕ್ಸಿಂಗ್‌ ಕೂಟದಲ್ಲಿ 6 ಸಲ ಸ್ಪರ್ಧಿಸಿರುವ ಮೇರಿ ಕೋಮ್‌, 5ನೇ ಸಲ ಪ್ರಶಸ್ತಿ ಸುತ್ತು ತಲುಪಿದಂತಾಗಿದೆ. ಇಲ್ಲಿ ಮೇರಿ ಕೋಮ್‌ ಗೆದ್ದರೆ ಭಾರತ 48 ಕೆಜಿ ವಿಭಾಗದಲ್ಲಿ ಮೊದಲ ಬಾರಿಗೆ ಚಿನ್ನದ ಪದಕ ಪಡೆದಂತಾಗುತ್ತದೆ.

ಸತತ 5 ವರ್ಷಗಳ ಕಾಲ 51 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ ಬಳಿಕ ಮೇರಿ ಕೋಮ್‌ ಈಗ 48 ಕೆಜಿ ವಿಭಾಗದಲ್ಲಿ ಸ್ಪರ್ಧೆಗಿಳಿದಿದ್ದಾರೆ. 
ರಾಜ್ಯಸಭಾ ಸದಸ್ಯೆಯೂ ಆಗಿರುವ, 35ರ ಹರೆಯದ ಮೇರಿ ಜಪಾನ್‌ ಆಟಗಾರ್ತಿ ವಿರುದ್ಧ ಮೊದಲು ರಕ್ಷಣಾತ್ಮಕ ತಂತ್ರ ಅನುಸರಿಸಿದರೂ ಬಳಿಕ ಆಕ್ರಮಣಕ್ಕಿಳಿದರು. ಇದರಿಂದ ಕೊಮುರಾ ಕಕ್ಕಾಬಿಕ್ಕಿಯಾದರು. ಸ್ಪರ್ಧೆ ಏಕಪಕ್ಷೀಯವಾಗಿ ಮುಗಿಯಿತು. 

ಮೇರಿ ಕೊಮ್‌ ಅವರ ಫೈನಲ್‌ ಎದು ರಾಳಿ ಉತ್ತರ ಕೊರಿಯಾದ ಕಿಮ್‌ ಹ್ಯಾಂಗ್‌ ಮಿ. ಸೋನಿಯಾ ಲಾಥರ್‌ ಬುಧ ವಾರದ ಪ್ರಶಸ್ತಿ ಸಮರದಲ್ಲಿ ಚೀನದ ಯಿನ್‌ ಜುನುವಾ ವಿರುದ್ಧ ಸೆಣಸಲಿದ್ದಾರೆ. ಅಂತಿಮ ಸವಾಲಿಗೆ ತಾನು ಅಣಿಯಾಗಿದ್ದೇನೆ ಎಂದಿದ್ದಾರೆ ಸೋನಿಯಾ.