ಆಕರ್ಷಕ ಆಫ‌ರ್‌ ಘೋಷಿಸಿದ ಮಾರುತಿ ಸುಜುಕಿ

2020ರ ಏಪ್ರಿಲ್‌ 1ರಿಂದ ಕಡ್ಡಾಯವಾಗಿ ಜಾರಿಗೆ ಬರಲಿರುವ ಬಿಎಸ್‌-6 ನಿಯಮದಂತೆ ತನ್ನ ಹೊಸ ಕಾರುಗಳ ಮಾರಾಟದಲ್ಲಿ ಮಹತ್ವ ಬದಲಾವಣೆ ತಂದಿರುವ ಮಾರುತಿ ಸುಜುಕಿ ಸಂಸ್ಥೆ ಗ್ರಾಹಕರಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದ್ದು, ಬಿಎಸ್‌-6 ವಾಹನಗಳ ಖರೀದಿ ಮೇಲೆ ಭರ್ಜರಿ ಆಫ‌ರ್‌ಗಳನ್ನು ನೀಡಿದೆ.

ಕಳೆದ ತಿಂಗಳು ದಸರಾ ಸಂಭ್ರಮಕ್ಕಾಗಿ ಆಯ್ದು ಕಾರುಗಳ ಮೇಲೆ ಭರ್ಜರಿ ಆಫ‌ರ್‌ ನೀಡಿದ್ದ ಮಾರುತಿ ಸುಜುಕಿಯ ಪುನ: ದೀಪಾವಳಿ ಆಫ‌ರ್‌ ಘೋಷಣೆ ಮಾಡಿದ್ದು, ಮಾರುತಿ ಸುಜುಕಿಯ ಆಲ್ಟೊ ಖರೀದಿ ಮೇಲೆ ರೂ.40 ಸಾವಿರ ಕ್ಯಾಶ್‌ ಡಿಸ್ಕೌಂಟ್‌ ಸೇರಿದಂತೆ ರೂ.20 ಸಾವಿರ ಎಕ್ಸ್‌ಚೆಂಜ್‌ ಆಫ‌ರ್‌ನ್ನು ನೀಡಲಾಗಿದೆ.

ಈ ತಿಂಗಳಾಂತ್ಯದ ತನಕ ಈ ಆಫ‌ರ್‌ ಲಭ್ಯವಿರಲಿದ್ದು,  ಆಯ್ದ ಡೀಲರ್ಸ್‌ಗಳ ಮೂಲಕ ಹೆಚ್ಚು ಆಫ‌ರ್‌ಗಳನ್ನು ನೀಡಲಿದೆ.

ಸರಕಾರ ಕಾರ್ಪೊರೇಟ್‌ ತೆರಿಗೆ ದರವನ್ನು ಹತ್ತು ಪ್ರತಿ ಶತ ರಷ್ಟು ಕಡಿತಗೊಳಿಸಿದ ಅನಂತರದ ದಿನಗಳಲ್ಲಿ ಮಾರುತಿ ತನ್ನ ಆವೃತ್ತಿಯ ಎಲ್ಲಾ ಕಾರುಗಳ ಬೆಲೆಯಲ್ಲಿ ಸುಮಾರು 5000 ರೂಗಳನ್ನು ಕಡಿತಗೊಳಿಸಿದ್ದು, ಮಾರುತಿ ಸುಜುಕಿ ವಿಟಾರಾ ಬ್ರೆಜಾ ವಾಹನದ ಮೇಲೆ 97,000 ರೂ.ಗಳವರೆಗೆ ರಿಯಾಯಿತಿಯನ್ನು ನೀಡುತ್ತಿದೆ.