ವೆಂಟಿಲೇಟರ್‌ ತಯಾರಿಸಲು ಮಾರುತಿ ಇಂಗಿತ

ನವದೆಹಲಿ: ಕೋವಿಡ್ 19 ವೈರಸ್ ಸೋಂಕಿತರಿಗೆ ಚಿಕಿತ್ಸೆ ನೀಡುವ ನಿಟ್ಟಿನಲ್ಲಿ ವೆಂಟಿಲೇಟರ್‌ ಅಭಿವೃದ್ಧಿಗೆ ಮಾರುತಿ ಸುಜುಕಿ ಇಂಡಿಯಾ ಮುಂದಾಗಿದೆ. ಮುಂದಿನ ಎರಡು ದಿನಗಳಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗುತ್ತದೆ ಎಂದು ಸಂಸ್ಥೆಯ ಮುಖ್ಯಸ್ಥ ಆರ್‌.ಸಿ.ಭಾರ್ಗವ ಹೇಳಿದ್ದಾರೆ.

ಕೇಂದ್ರ ಸರ್ಕಾರದ ಪ್ರತಿನಿಧಿಗಳ ಜತೆಗೆ ಭೇಟಿಯಾಗಿದ್ದ ವೇಳೆ ಕಂಪನಿಗೆ ವೆಂಟಿಲೇಟರ್‌ ಅಭಿವೃದ್ಧಿಗೆ ಸಾಧ್ಯವೇ ಎಂದು ಪ್ರಶ್ನಿಸಿದಾಗ, ಅದನ್ನು ಪರಿಶೀಲಿಸುವುದಾಗಿ ಹೇಳಿದ್ದಾಗಿ ತಿಳಿಸಿದ್ದಾರೆ.

ಅಮೆರಿಕ, ಯು.ಕೆ.ಗಳಲ್ಲಿಯೂ ಕೂಡ ವಾಹನ ಉತ್ಪಾದಕ ಸಂಸ್ಥೆಗಳು ವೈದ್ಯಕೀಯ ಉಪಕರಣಗಳನ್ನು ಸಿದ್ಧಪಡಿಸುತ್ತವೆ ಎಂದಿದ್ದಾರೆ. ಇದೇ ವೇಳೆ, ಬಜಾಜ್‌ ಗ್ರೂಪ್‌ ಮುಖ್ಯಸ್ಥ ರಾಹುಲ್‌ ಬಜಾಜ್‌ ಕೂಡಾ ವೆಂಟಿಲೇಟರ್‌ ತಯಾರಿಕೆಗೆ ಆಸಕ್ತಿ ತೋರಿದ್ದಾರೆ.