ಇಂದುಮಧ್ಯಾಹ್ನ ಹುಟ್ಟೂರಿಗೆ ಹುತಾತ್ಮ ಯೋಧ ಗುರು ಪಾರ್ಥೀವ ಶರೀರ 

ಮಂಡ್ಯ: ಜಮ್ಮು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯ ಆವಂತಿಪೋರದಲ್ಲಿ ಗುರುವಾರ ಸಿಆರ್ ಪಿಎಫ್ ಯೋಧರ ವಾಹನ ಮೇಲೆ ನಡೆದ ದಾಳಿಯಲ್ಲಿ ಹುತಾತ್ಮರಾದ ಮಂಡ್ಯ ಜಿಲ್ಲೆಯ ಯೋಧ ಗುರು ಅವರ ಪಾರ್ಥೀವ ಶರೀರ ಶನಿವಾರ ಸಂಜೆ ಹುಟ್ಟೂರಿಗೆ ಬರಲಿದೆ. 

ಇಂದು ಬೆಳಿಗ್ಗೆ 7.15 ಕ್ಕೆ ಪಾರ್ಥೀವ ಶರೀರ ಏರ್ ಲಿಫ್ಟ್ ಆಗಿದ್ದು, ತಿರುಚ್ಚಿ, ಮಧುರೈ, ಕ್ಯಾಲಿಕಟ್ ಗೆ ತಲುಪಿ ನಂತರ  ಬೆಳಿಗ್ಗೆ 11.30ಕ್ಕೆ ವೇಳೆ ಬೆಂಗಳೂರಿನ HAL ವಿಮಾನ ನಿಲ್ದಾಣಕ್ಕೆ  ತಲುಪಲಿದೆ. 

ಗುರು ಹುಟ್ಟೂರಾದ ಮಂಡ್ಯ ಜಿಲ್ಲೆಯ ಮದ್ದೂರಿನ ಗುಡಿಕೆರೆ ಕಾಲೋನಿಯಲ್ಲಿ ಪಾರ್ಥೀವ ಶರೀರದ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ. ನಂತರ ಮೆರೆವಣಿಗೆ ನಡೆಸಲಾಗುವುದು.

ಸ್ನೇಹಿತರ ಪ್ರತಿಭಟನೆ : ಹುತಾತ್ಮ ಯೋಧ ಗುರು ಅವರ ಪಾರ್ಥೀವ ಶರೀರವನ್ನು ವಿಶೇಷ ಹೆಲಿಕಾಪ್ಟರ್ ನಲ್ಲಿ ತರಬೇಕೆಂದು ಗುರು ಸ್ನೇಹಿತರು ಮತ್ತು ಗ್ರಾಮಸ್ಥರು ಗುರು ಮನೆ ಮುಂದೆ ಪ್ರತಿಭಟನೆ ನಡೆಸುತ್ತಿದ್ದಾರೆ.