ಟಿಯಾಂಜಿನ್‌ ಟೆನಿಸ್‌: ಶರಪೋವಾ ಫೈನಲ್‌ಗೆ

ಟಿಯಾಂಜಿನ್‌(ಚೀನಾ): ಐದು ಬಾರಿಯ ಗ್ರ್ಯಾನ್‌ಸ್ಲಾಮ್‌ ವಿಜೇತೆ, ರಷ್ಯಾದ ಮರಿಯಾ ಶರಪೋವಾ ಟಿಯಾಂಜಿನ್‌ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ಫೈನಲ್‌ ಪ್ರವೇಶಿಸಿದ್ದಾರೆ. 

ಉದ್ದೀಪನ ಮದ್ದು ಸೇವನೆಯಿಂದ 15 ತಿಂಗಳ ನಿಷೇಧದ ಶಿಕ್ಷೆ ಪೂರ್ಣಗೊಳಿಸಿ ಅಂತಾರಾಷ್ಟ್ರೀಯ ಟೆನಿಸ್‌ಗೆ ಮರಳಿದ ನಂತರ ಶರಪೋವಾ ಇದೇ ಮೊದಲ ಬಾರಿಗೆ ಕೂಟವೊಂದರಲ್ಲಿ ಫೈನಲ್‌ ತಲುಪಿದ್ದಾರೆ. ಶನಿವಾರ ನಡೆದ ಮಹಿಳೆಯರ ಸಿಂಗಲ್ಸ್‌ನ ಸೆಮಿಫೈನಲ್‌ ಪಂದ್ಯದಲ್ಲಿ ಶರಪೋವಾ 6-3, 6-1ರಿಂದ ಚೀನಾದ ಪೆಂಗ್‌ ಶುಯಿ ವಿರುದ್ಧ ಗೆಲುವು ಪಡೆದರು. ಮಾಜಿ ವಿಶ್ವ ನಂ.1 ಆಟಗಾರ್ತಿ ಶರಪೋವಾಗೆ ಮೊದಲ ಸೆಟ್‌ನಲ್ಲಿ ಚೀನಾ ಆಟಗಾರ್ತಿ ತೀವ್ರ ಸ್ಪರ್ಧೆ ನೀಡಿದ್ದರು. ಆದರೂ ಕೊನೆಯ ಹಂತದಲ್ಲಿ ಶರಪೋವಾ ಸೆಟ್‌ ವಶಪಡಿಸಿಕೊಂಡು ಮುನ್ನಡೆ ಪಡೆದರು. 2ನೇ ಸೆಟ್‌ನಲ್ಲಿ ಶರಪೋವಾ ಏಕಮುಖವಾಗಿ ಗೆಲುವು ಪಡೆದರು. ಶರಪೋವಾ ಬಾರಿ ಕೆಳ ಶ್ರೇಯಾಂಕ ಹೊಂದಿರುವುದರಿಂದ ಕೂಟದಲ್ಲಿ ವೈಲ್ಡ್‌ ಕಾರ್ಡ್‌ ಪ್ರವೇಶ ಪಡೆದಿದ್ದರು.