ಎಡಿಟಿಂಗ್‌ನಲ್ಲಿ ‘ಮಾರಾಯ’

“ಮಾರಾಯ’ ಎಂಬ ಸಿನಿಮಾವೊಂದು ಸದ್ದಿಲ್ಲದೇ ಚಿತ್ರೀಕರಣ ಮುಗಿಸಿದ್ದು, ಈಗ ಚಿತ್ರ ಡಬ್ಬಿಂಗ್‌ ಹಂತಕ್ಕೆ ಬಂದಿದೆ. ಈಗಾಗಲೇ ಎಡಿಟಿಂಗ್‌, ಸಿ.ಜಿ ಕೆಲಸ ಮುಗಿಸಿಕೊಂಡಿರುವ ಚಿತ್ರ ಶೀಘ್ರದಲ್ಲಿ ಬಿಡುಗಡೆಯಾಗಲಿದೆ.

ಇತ್ತೀಚೆಗೆ ಈ ಚಿತ್ರದ ಲಿರಿಕಲ್‌ ವಿಡಿಯೋ ಬಿಡುಗಡೆಯಾಗಿದೆ. ಈ ವಿಡಿಯೋಗೆ ಮೆಚ್ಚುಗೆ ವ್ಯಕ್ತವಾಗಿದ್ದು, ಎರಡು ಲಕ್ಷಕ್ಕೂ ಹೆಚ್ಚಿನ ವೀಕ್ಷಣೆ ಪಡೆದಿದೆ. ಈ ಚಿತ್ರವನ್ನು ಶ್ರೀ ಹೊನ್ನಾದೇವಿ ಗಂಗಾಧರೇಶ್ವರ ಪ್ರೊಡಕ್ಷನ್ಸ್‌ನಡಿ ಎನ್‌.ಜಿ.ಸುಜಾತಾ ನಂದನ್‌ ತುಮಕೂರು ನಿರ್ಮಿಸಿದ್ದಾರೆ.

ಚಿತ್ರವನ್ನು ಉದಯ್‌ ಪ್ರೇಮ್‌ ನಿರ್ದೇಶಿಸಿದ್ದಾರೆ. ಬಿಡುಗಡೆಯಾಗಿರುವ ಲಿರಿಕಲ್‌ ವಿಡಿಯೋನಲ್ಲಿ ನಿರ್ದೇಶಕರದ್ದೇ ಸಾಹಿತ್ಯವಿದೆ. ರಾಜೇಶ್‌ ಕೃಷ್ಣನ್‌ ಈ ಹಾಡನ್ನು ಹಾಡಿದ್ದಾರೆ.

ಇದೊಂದು ಔಟ್‌ ಅಂಡ್‌ ಔಟ್‌ ಕಮರ್ಷಿಯಲ್‌ ಸಿನಿಮಾವಾಗಿದ್ದು, ಇವತ್ತಿನ ಟ್ರೆಂಡ್‌ಗೆ ತಕ್ಕಂತೆ ಮಾಡಲಾಗಿದೆ. ಚಿತ್ರದಲ್ಲಿ ಕುಮಾರ್‌ ದೇವ್‌, ಶ್ರೇಯಾ, ಪೂಜಾ, ಸ್ನೇಹ, ವಿನಯ ಪ್ರಸಾದ್‌, ದಿವಾಕರ್‌, ಮಜಾ ಭಾರತದ ಕಲಾವಿದರು, ಡಿಂಗ್ರಿ ನಾಗರಾಜ್‌ ಸೇರಿದಂತೆ ಅನೇಕರು ನಟಿಸಿದ್ದಾರೆ.