ನೋಂದಣಿಯೇ ಆಗದ ಶಿಶು ಕೇಂದ್ರಗಳು

ರಾಂಚಿಯಲ್ಲಿನ ಮಿಷನರೀಸ್‌ ಆಫ್ ಚಾರಿಟೀಸ್‌ ನಲ್ಲಿ ಕ್ರೈಸ್ತ ಸನ್ಯಾಸಿನಿಯೊಬ್ಬರು ಶಿಶುಗಳನ್ನು ಮಾರಾಟ ಮಾಡಿದ ಪ್ರಕರಣ ಚರ್ಚೆಗೆ ಗ್ರಾಸವಾಗಿರುವ ನಡುವೆಯೇ, ದೇಶದಲ್ಲಿನ 1,300ಕ್ಕೂ ಹೆಚ್ಚು ಮಕ್ಕಳ ಆರೈಕೆ ಕೇಂದ್ರಗಳು ಬಾಲನ್ಯಾಯ ಕಾಯ್ದೆಯನ್ವಯ ನೋಂದಣಿಯೇ ಆಗಿಲ್ಲ ಎಂಬ ಮಾಹಿತಿಯನ್ನು ಮಕ್ಕಳ ಹಕ್ಕುಗಳಿಗೆ ಸಂಬಂಧಿಸಿದ ರಾಷ್ಟ್ರೀಯ ಆಯೋಗ ಬಹಿರಂಗಪಡಿಸಿದೆ. ಆಯೋಗದ ವರದಿಯಲ್ಲಿ ಏನಿದೆ ಎಂಬ ಮಾಹಿತಿ ಇಲ್ಲಿದೆ.

ದೇಶದಲ್ಲಿ ನೋಂದಣಿ ಆಗಿರುವ ಆರೈಕೆ ಕೇಂದ್ರ : 5,850
ನೋಂದಣಿಯೇ ಆಗದ ಕೇಂದ್ರಗಳು : 1,339
ನೋಂದಣಿ ಆಗಿರುವ,ಆಗಿರದ ಕೇಂದ್ರದ ಮಕ್ಕಳು : 2,32,937

ಕೇರಳದಲ್ಲಿ-1165
ಮಹಾರಾಷ್ಟ್ರದಲ್ಲಿ- 110
ಮಣಿಪುರ-13
ತಮಿಳುನಾಡು -9
ಗೋವಾ- 8
ರಾಜಸ್ಥಾನ-4
ನಾಗಾಲ್ಯಾಂಡ್‌- 2

ನಿಮ್ಮ ವ್ಯಾಪ್ತಿಯಲ್ಲಿ ಬರುವ ಎಲ್ಲ ಕೇಂದ್ರಗಳನ್ನೂ ನೋಂದಣಿ ಮಾಡಿಸಿಕೊಳ್ಳಿ ಎಂದು ರಾಜ್ಯ ಸರಕಾರಗಳಿಗೆ ನಾವು ಹಲವು ಬಾರಿ ಕೋರಿ ಕೊಂಡಿದ್ದೇವೆ. ಕೆಲವು ರಾಜ್ಯಗಳು ಸಕಾರಾತ್ಮಕವಾಗಿ ಸ್ಪಂದಿಸಿದರೆ, ಇನ್ನು ಕೆಲವು ಕ್ಯಾರೇ ಎಂದಿಲ್ಲ.
– ಯಶ್ವಂತ್‌ ಜೈನ್‌, NCPCR ಸದಸ್ಯ

ಎಲ್ಲ ಮಕ್ಕಳ ಆರೈಕೆ ಕೇಂದ್ರಗಳು, ಅನಾಥಾಶ್ರಮಗಳು ಕಡ್ಡಾಯವಾಗಿ ನೋಂದಣಿ ಆಗುವಂತೆ ನೋಡಿಕೊಳ್ಳಬೇಕು. ಆಗ ಅವುಗಳ ಕಾರ್ಯನಿರ್ವಹಣೆಯಲ್ಲಿ ಪಾರದರ್ಶಕತೆ ಕಾಣಲು ಸಾಧ್ಯ. 
– ಕೈಲಾಶ್‌ ಸತ್ಯಾರ್ಥಿ, ಮಕ್ಕಳ ಹಕ್ಕುಗಳ ಹೋರಾಟಗಾರ