ಡಾ.ಮನಮೋಹನ್‌ ಸಿಂಗ್‌ ಅಮೃತಸರದಿಂದ ಸ್ಪರ್ಧಿಸುವುದಿಲ್ಲ: CM ಅಮರೀಂದರ್‌

ಚಂಡೀಗಢ : ಮಾಜಿ ಪ್ರಧಾನಿ ಡಾ. ಮನಮೋಹನ್‌ ಸಿಂಗ್‌ ಅವರನ್ನು ಕಾಂಗ್ರೆಸ್‌ ಪಕ್ಷ ಲೋಕಸಭೆ ಚುನಾವಣೆಗಾಗಿ ಅಮೃತಸರದಿಂದ ಕಣಕ್ಕಿಳಿಸಲಿದೆ ಎಂಬ ಮಾಧ್ಯಮ ವರದಿಯನ್ನು ಪಂಜಾಬ್‌ ಮುಖ್ಯಮಂತ್ರಿ ಅಮರೀಂದರ್‌ ಸಿಂಗ್‌ ತಿರಸ್ಕರಿಸಿದ್ದಾರೆ. ಡಾ. ಸಿಂಗ್‌ ಅವರು ಈ ಬಾರಿಯ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ  ಎಂದವರು ಹೇಳಿದ್ದಾರೆ. 

ಪಂಜಾಬ್‌ ನಲ್ಲಿ ಆಮ್‌ ಆದ್ಮಿ ಪಕ್ಷದೊಂದಿಗೆ ಅಥವಾ ಬೇರೆ ಯಾವುದೇ ಪಕ್ಷದೊಂದಿಗೆ ಚುನಾವಣಾ ಮೈತ್ರಿ  ಹೊಂದುವುದಿಲ್ಲ; ಪಂಜಾಬ್‌ ನಲ್ಲಿ ಕಾಂಗ್ರೆಸ್‌ ಪಕ್ಷಕ್ಕೆ ಯಾವುದೇ ಪಕ್ಷದೊಂದಿಗಿನ ಮೈತ್ರಿಯ ಅಗತ್ಯವೇ ಇಲ್ಲ  ಎಂದು 77ರ ಹರೆಯದ ಅಮರೀಂದರ್‌ ಸಿಂಗ್‌ ಹೇಳಿದರು.