ರಣಜಿ ಟ್ರೋಫಿ: ಭರ್ಜರಿ ದ್ವಿಶತಕದೊಂದಿಗೆ ಫಾರ್ಮ್ ಗೆ ಮರಳಿದ ಮನೀಶ್ ಪಾಂಡೆ

ಗೋವಾ: ಕಳೆದ ಕೆಲವು ಪಂದ್ಯಗಳಲ್ಲಿ ಫಾರ್ಮ್ ನಲ್ಲಿಲ್ಲದ ಕರ್ನಾಟಕದ ಪ್ರಮುಖ ಆಟಗಾರ ಮನೀಶ್ ಪಾಂಡೆ ಇದೀಗ ಭರ್ಜರಿಯಾಗಿ ಫಾರ್ಮ್ ಗೆ ಮರಳಿದ್ದಾರೆ. ಗೋವಾ ವಿರುದ್ಧದ ರಣಜಿ ಟ್ರೋಫಿಯಲ್ಲಿ ಮನೀಷ್ ಅಜೇಯ ದ್ವಿಶತಕ ಸಿಡಿಸಿ ಮಿಂಚಿದ್ದಾರೆ.

ಮೂರು ವಿಕೆಟ್ ನಷ್ಟಕ್ಕೆ 294 ರನ್ ಗಳಿಸಿದ್ದಲ್ಲಿಂದ ದಿನದಾಟ ಆರಂಭಿಸಿ ಕರ್ನಾಟಕ ತಂಡವು ಮೊದಲು ಇನ್ನಿಂಗ್ಸ್ ನಲ್ಲಿ ಏಳು ವಿಕೆಟ್ ನಷ್ಟಕ್ಕೆ 603 ರನ್ ಗಳಿಸಿ ಡಿಕ್ಲೇರ್ ಮಾಡಿದೆ.

ಇದನ್ನೂ ಓದಿ:ಮಣಿರತ್ನಂ‌ ಪ್ಯಾನ್‌ ಇಂಡಿಯಾ ಸಿನಿಮಾ ʼಪೊನ್ನಿಯನ್ ಸೆಲ್ವನ್-2ʼ ಬಿಡುಗಡೆಗೆ ದಿನಾಂಕ ಫಿಕ್ಸ್

ವಿಶಾಲ್ ಓನತ್ 91 ರನ್ ಗಳಿಸಿ ಔಟಾದರೆ, ಏಕದಿನ ಮಾದರಿಯಲ್ಲಿ ಮನೀಶ್ ಬ್ಯಾಟ್ ಬೀಸಿದರು. ಕೇವಲ 186 ಎಸೆತ ಎದುರಿಸಿದ ಮನೀಶ್ 14 ಬೌಂಡರಿ ಮತ್ತು 11 ಸಿಕ್ಸರ್ ನೆರವಿನಿಂದ ಅಜೇಯ 208 ರನ್ ಗಳಿಸಿದರು. ಇದಕ್ಕೂ ಮೊದಲು ಸಮರ್ಥ್ 140 ರನ್, ನಾಯಕ ಮಯಾಂಕ್ ಅಗರ್ವಾಲ್ 50 ರನ್ ಗಳಿಸಿದೆ.

ಗೋವಾ ಪರ ನಾಯಕ ದರ್ಶನ್ ಮಿಸಾಲ್ ಮೂರು ವಿಕೆಟ್, ಅರ್ಜುನ್ ತೆಂಡೂಲ್ಕರ್ ಎರಡು ವಿಕೆಟ್ ಪಡೆದರು.