ಮಣಿಪುರ: ಮಳೆ, ಬಿರುಗಾಳಿ ರುದ್ರ ನರ್ತನ; ಮುಳುಗಿದ 2 ಬೋಟುಗಳು

ಕಾಮ್‌ ಜೋಂಗ್‌, ಮಣಿಪುರ : ಮಣಿಪುರದ ಕಾಮ್‌ಜೋಂಗ್‌ ಜಿಲ್ಲೆಯ ಛಡೋಂಗ್‌ ನಲ್ಲಿ ಬೀಸಿರುವ ಭಾರೀ ಬಿರುಗಾಳಿ ಹಾಗೂ ಮಳೆಯಿಂದ ಉಂಟಾಗಿರುವ ಪ್ರವಾಹದಲ್ಲಿ ಎರಡು ಬೋಟುಗಳು ಮುಳುಗಿವೆ. ಅನೇಕ ಮರಗಳು ನೆಲಕ್ಕೆ ಉರುಳಿವೆ ಎಂದು ವರದಿಗಳು ತಿಳಿಸಿವೆ.

ಬಿರುಗಾಳಿಯ ಪ್ರಕೋಪಕ್ಕೆ ಮಣಿಪುರದ ಆದ್ಯಂತ ನೂರಾರು ಮನೆಗಳು ಹಾನಿಗೀಡಾಗಿವೆ. ಈ ವರೆಗೆ ಜೀವ ಹಾನಿ ಆಗಿರುವ ವರದಿಗಳು ಬಂದಿಲ್ಲ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.

ಮಣಿಪುರದಲ್ಲಿ ಒಂದೇ ತಿಂಗಳೊಳಗೆ ವಿಪರೀತ ಮಳೆ, ಬಿರುಗಾಳಿಯ ರುದ್ರ ನರ್ತನ ಇದೀಗ ಮೂರನೇ ಬಾರಿಗೆ ಕಂಡು ಬರುತ್ತಿದೆ. ಕಳೆದ ಬಾರಿಯ ಮಳೆ-ಬಿರುಗಾಳಿಯ ಪ್ರಕೋಪಕ್ಕೆ ಮೂರು ಜೀವಗಳು ಬಲಿಯಾಗಿದ್ದವು.