ಮಣಿಪುರ : ಶಂಕಿತ ಉಗ್ರರಿಂದ ಹ್ಯಾಂಡ್‌ ಗ್ರೆನೇಡ್‌ ದಾಳಿ; ಜವಾನ ಜಖಂ

ಇಂಫಾಲ : ಮಣಿಪುರದ ಬಿಷ್ಣುಪುರ ಜಿಲ್ಲೆಯಲ್ಲಿ ಶಂಕಿತ ಉಗ್ರರು ನಡೆಸಿದ ಹ್ಯಾಂಡ್‌ ಗ್ರೆನೇಡ್‌ ದಾಳಿಯಲ್ಲಿ ಓರ್ವ ಸೇನಾ ಜವಾನ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಎನ್‌ಎಚ್‌ 150ರಲ್ಲಿನ ನಚೋಶ್‌ ಲಮ್‌ಖಾಯಿ ಸಮೀಪ ಕಾಲ್ನಡಿಗೆಯಲ್ಲಿ ಗಸ್ತು ನಿರತರಾಗಿದ್ದ ಇಬ್ಬರು ಜೆಕೆ ಲೈಟ್‌ ಇನ್‌ಫ್ಯಾಂಟ್ರಿ ದಳದ ಯೋಧರತ್ತ ವೇಗವಾಗಿ ಸಾಗಿ ಬಂದ ಕಾರಿನಲ್ಲಿದ್ದ ಶಂಕಿತ ಉಗ್ರರುಹ್ಯಾಂಡ್‌ ಗ್ರೆನೇಡ್‌ ಎಸೆದು ಪರಾರಿಯಾದರು ಎಂದು ಪೊಲೀಸರು ತಿಳಿಸಿದ್ದಾರೆ. 

ಹ್ಯಾಂಡ್‌ ಗ್ರೆನೇಡ್‌ ಎಸೆದ ಕಾರಿನ ಮೇಲೆ ಯೋಧರು ಗುಂಡು ಹಾರಿಸಿದರಾದರೂ ಕಾರು ಕ್ಷಣಾರ್ಧದಲ್ಲಿ ಅಲ್ಲಿಂದ ಪರಾರಿಯಾಯಿತು ಎಂದು ಅಧಿಕಾರಿ ತಿಳಿಸಿದ್ದಾರೆ. 

ಗಾಯಾಳು ಜವಾನನನ್ನು ಎಂ ಡಿ ಅರ್ಷಾದ್‌ ಎಂದು ಗುರುತಿಸಲಾಗಿದ್ದು ಆತನನ್ನು ಸೇನಾ ಆಸ್ಪತ್ರೆಗೆ ಸೇರಿಸಲಾಗಿದೆ. ಆತ ಅಪಾಯದಿಂದ ಪಾರಾಗಿರುವಾಗಿ ಆಸ್ಪತ್ರೆ ಮೂಲಗಳು ತಿಳಿಸಿವೆ.