ಯೋಗಿ ಆದಿತ್ಯನಾಥ ಚುನಾವಣೆ ತಂಡದಲ್ಲಿ ಮಣಿಪಾಲದ ರಶ್ಮಿ

ಉಡುಪಿ: ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರ ಚುನಾವಣೆ ಪ್ರಚಾರ ತಂಡದಲ್ಲಿ ಮಣಿಪಾಲದ ಯುವತಿ ರಶ್ಮಿ ಸಾಮಂತ್‌ ಸ್ಥಾನ ಪಡೆದಿದ್ದಾರೆ.

ಲಂಡನ್‌ ಆಕ್ಸ್‌ಫ‌ರ್ಡ್‌ ವಿ.ವಿ. ವಿದ್ಯಾರ್ಥಿಯಾಗಿದ್ದ ವೇಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆಯಾಗಿ ಚುನಾ ಯಿತರಾಗಿದ್ದ ರಶ್ಮಿ ಹಿಂದು ಬಲಪಂಥೀಯವಾದಿ ಎಂಬ ಅಪ ಪ್ರಚಾರಕ್ಕೆ ಗುರಿಯಾಗಿ ರಾಜಿನಾಮೆ ನೀಡಿದ್ದರು. ಈ ಬಗ್ಗೆ ದೇಶ ವ್ಯಾಪಿ ಚರ್ಚೆ ನಡೆದು, ಸಂಸತ್ತಿನಲ್ಲಿಯೂ ವಿಚಾರ ಪ್ರಸ್ತಾವಗೊಂಡು ಗಮನ ಸೆಳೆದಿದ್ದರು.

ಅನಂತರ ಆಕ್ಸ್‌ಫ‌ರ್ಡ್‌ ವಿ.ವಿ. ಆಡಳಿತ ಮಂಡಳಿ ತನಿಖೆ ನಡೆಸಿದ್ದು, ರಶ್ಮಿ ಅವರಿಗೆ ಅನ್ಯಾಯವಾಗಿರುವುದು ಸಾಬೀತಾಗಿತ್ತು. ಮಣಿಪಾಲ ಎಂಐಟಿಯಲ್ಲಿ ಮೆಕಾನಿಕಲ್‌ ಎಂಜಿನಿ ಯರಿಂಗ್‌ ಪದವಿ ಪಡೆದ ಇವರು ನವೆಂಬರ್‌ ತಿಂಗಳಲ್ಲಿ ಆಕ್ಸ್‌ ಫ‌ರ್ಡ್‌ ವಿ.ವಿ.ಯಿಂದ ವಿಶಿಷ್ಟ ಶ್ರೇಣಿಯಿಂದ ಎಂಎಸ್ಸಿ ಪದವಿ ಪಡೆದು ಭಾರತಕ್ಕೆ ವಾಪಸಾಗಿದ್ದರು. ಯೋಗಿ ಚುನಾ ವಣೆ ನಿರ್ವಹಣೆ ಸಂಬಂಧಿಸಿ ಜನವರಿಯಿಂದ ತೊಡಗಿದ್ದಾರೆ.