Maniapl; ಕೋಳಿ ಅಂಕ ಅಡ್ಡೆಗೆ ದಾಳಿ: 15 ಮಂದಿ ಪೊಲೀಸ್ ವಶಕ್ಕೆ

ಮಣಿಪಾಲ: ಎಂಜಿಎಂ ಕಾಲೇಜಿನ ಹಿಂಭಾಗದ ಮೈದಾನದ ಬಳಿಯ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ ಅಂಕ ನಡೆಸುತ್ತಿದ್ದ 15 ಮಂದಿಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಕಿಶೋರ್‌, ಅಶೋಕ, ಸದಾನಂದ, ಧನರಾಜ್‌, ಸಂದೀಪ, ವೀರೇಂದ್ರ, ನಿಖಿಲ್ , ರಕ್ಷಿತ್‌, ಸುಜಿತ್‌, ಸುದೀಪ್‌, ಲತೀಶ್‌, ಶರತ್‌, ಸನತ್‌, ಸಂದೀಪ ಮತ್ತು ಪ್ರಶಾಂತ್‌ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ.

4 ಹುಂಜ ಮತ್ತು ಆಟಕ್ಕೆ ಬಳಸಿದ ನಗದು, 14 ದ್ವಿ ಚಕ್ರ ವಾಹನಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ. ಮಣಿಪಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.