TT: ಡಬ್ಲ್ಯು ಟಿಟಿ; ಕ್ವಾರ್ಟರ್‌ಗೇರಿದ ಮೊದಲ ಭಾರತೀಯೆ ಮಣಿಕಾ

ಜೆಡ್ಡಾ (ಸೌದಿ ಅರೇಬಿಯ): ಇಲ್ಲಿ ನಡೆಯುತ್ತಿರುವ ಡಬ್ಲ್ಯುಟಿಟಿ (ವಿಶ್ವ ಟೇಬಲ್‌ ಟೆನಿಸ್‌) ಟೂರ್ನಿಯಲ್ಲಿ ಭಾರತದ ತಾರೆ ಮಣಿಕಾ ಬಾತ್ರಾ ಕ್ವಾರ್ಟರ್‌ ಫೈನಲ್‌ಗೆ ಲಗ್ಗೆಯಿಟ್ಟಿದ್ದಾರೆ. ಈ ಸಾಧನೆ ಮಾಡಿದ ಮೊದಲ ಭಾರತೀಯ ಮಹಿಳಾ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಿದ್ದಾರೆ.

ಪ್ರೀ-ಕ್ವಾರ್ಟರ್‌ ಫೈನಲ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಅವರು, ವಿಶ್ವ ನಂ.14ರ ಆಟಗಾರ್ತಿ, ಜರ್ಮನಿಯ ನಿನಾ ಮಿಟ್ಟೆಲ್‌ಹ್ಯಾಮ್‌ ವಿರುದ್ಧ ಗೆಲುವು ದಾಖಲಿಸಿದರು. ಗೆಲುವಿನ ಅಂತರ 11- 6, 11 -9, 11 -7 ಅಂಕ. ಇಬ್ಬರ ಮಧ್ಯೆ 22 ನಿಮಿಷಗಳ ಕದನ ನಡೆಯಿತು. ಕ್ವಾರ್ಟರ್‌ ಫೈನಲ್‌ನಲ್ಲಿ ಮಣಿಕಾ, ವಿಶ್ವ ನಂ. 5ನೇ ಶ್ರೇಯಾಂಕದ ಜಪಾನ್‌ ಆಟಗಾರ್ತಿ, ಹೀನಾ ಹಯತಾ ವಿರುದ್ಧ ಕಣಕ್ಕಿಳಿಯಲಿದ್ದಾರೆ.