ಮಂಗಳೂರು: ಫಲ್ಗುಣಿ ನದಿ ತೀರದಲ್ಲಿ ಅಪರಿಚಿತ ವ್ಯಕ್ತಿಯ ಮೃತದೇಹ ಪತ್ತೆ

ಮಂಗಳೂರು: ಕುದ್ರೋಳಿ ಉರ್ದು ಶಾಲೆಯಾಗಿ ಹೋಗುವ ರಸ್ತೆಯ ಅಂತ್ಯದಲ್ಲಿರುವ ಫಲ್ಗುಣಿ ನದಿ ತೀರದಲ್ಲಿ ಅಪರಿಚಿತ ವ್ಯಕ್ತಿಯ ಮೃತದೇಹ ಗುರುವಾರ ಮಧ್ಯಾಹ್ನದ ವೇಳೆ ಪತ್ತೆಯಾಗಿದೆ.

ಸುಮಾರು 5.6 ಅಡಿ ಎತ್ತರ, 35-40 ವರ್ಷ ಪ್ರಾಯದವರಾಗಿದ್ದು, ಅರ್ಧ ತೋಳಿನ ಕಪ್ಪು ಟಿ-ಶರ್ಟ್‌ನಲ್ಲಿ ಗಿಟಾರ್‌ ಹೀರೋ ಎಂದು ಇಂಗ್ಲಿಷ್‌ನಲ್ಲಿ ಬರೆದಿದೆ. ಎಡ ಕೈ ರಟ್ಟೆಯಲ್ಲಿ ಟಿಯುಎಂಎಂ ಎಂದು ಹಚ್ಚೆಯಲ್ಲಿ ಬರೆಯಲಾಗಿದೆ. ಕುತ್ತಿಗೆಯಲ್ಲಿ ಏಸುವಿನ ಕ್ರಾಸ್‌ ಇರುವ ಜಪಮಾಲೆ ಇದೆ.

ಈ ಬಗ್ಗೆ ಬರ್ಕೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಈ ಚಹರೆಯಿರುವ ವ್ಯಕ್ತಿಯ ವಾರಸುದಾರರು/ಪರಿಚಿತರು ಇದ್ದಲ್ಲಿ ಠಾಣೆಯನ್ನು ಸಂಪರ್ಕಿಸುವಂತೆ ಪ್ರಕಟನೆ ತಿಳಿಸಿದೆ.