Mangaluru: ಹಣ ದ್ವಿಗುಣ ಆಮಿಷ: 3.70 ಲ.ರೂ. ವಂಚನೆ

ಮಂಗಳೂರು: ಅಪರಿಚಿತ ವ್ಯಕ್ತಿಯೋರ್ವ ಹಣ ದ್ವಿಗುಣಗೊಳಿಸಿ ಕೊಡುವುದಾಗಿ ನೀಡಿದ ಆಮಿಷವನ್ನು ನಂಬಿ ವ್ಯಕ್ತಿಯೋರ್ವರು 3.70 ಲ.ರೂ. ಕಳೆದುಕೊಂಡಿದ್ದಾರೆ.

ದೂರುದಾರರ ವಾಟ್ಸ್‌ಆ್ಯಪ್‌ ಸಂಖ್ಯೆಗೆ ಅಪರಿಚಿತ ವ್ಯಕ್ತಿಯು ಮೆಸೇಜ್‌ ಕಳುಹಿಸಿ ಗ್ಲೋಬಲ್‌ ಇನ್‌ವೆಸ್ಟ್‌ಮೆಂಟ್‌ನಲ್ಲಿ 5 ಸಾ. ರೂ. ಹೂಡಿಕೆ ಮಾಡಿದರೆ 10 ಸಾ. ರೂ. ವಾಪಸ್‌ ನೀಡುವುದಾಗಿ ನಂಬಿಸಿದ್ದ. ಅದರಂತೆ ದೂರುದಾರರು ಮೊದಲು 5 ಸಾ. ರೂ. ವರ್ಗಾವಣೆ ಮಾಡಿದ್ದರು.

ಅದೇ ದಿನ ಅವರ ಖಾತೆಗೆ 10,000 ರೂ. ಜಮೆಯಾಗಿತ್ತು. ಬಳಿಕ ಡಿ.13ರಿಂದ ಡಿ.15ರ ವರೆಗೆ ಒಟ್ಟು 3.70 ಲ.ರೂ.ಗಳನ್ನು ವರ್ಗಾವಣೆ ಮಾಡಿಸಿಕೊಂಡಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.