Mangaluru: ಗಾಂಜಾ ಸೇವನೆ; ಮೂವರ ಬಂಧನ

ಮಂಗಳೂರು: ನಿಷೇಧಿತ ಮಾದಕ ವಸ್ತುವಾದ ಗಾಂಜಾ ಸೇವನೆ ಮಾಡಿದ ಆರೋಪದಲ್ಲಿ ಕದ್ರಿ ಮತ್ತು ಬಂದರು ಠಾಣೆಯ ಪೊಲೀಸರು ಸೋಮವಾರ ಮೂವರನ್ನು ಬಂಧಿಸಿದ್ದಾರೆ.

ನೀರುಮಾರ್ಗ ಪೆದಮಲೆ ಸರಿಪಳ್ಳದ ಸಂದೇಶ್‌ ಕುಮಾರ್‌(37), ಕೇರಳ ಕೋಝಿಕೋಡ್‌ನ‌ ಫಾತೆಲ್‌ ಅಬೂಬಕರ್‌ (23) ಮತ್ತು ಯೆಯ್ನಾಡಿಯ ಜಗದೀಶ್‌ ಪೈ (29) ಬಂಧಿತರು. ಇವರನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಲಾಗಿದ್ದು, ಗಾಂಜಾ ಸೇವನೆ ದೃಢಪಟ್ಟಿದೆ. ಎನ್‌ಡಿಪಿಎಸ್‌ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.