Mangaluru ಗಾಂಜಾ ಮಾರಾಟ: ಇಬ್ಬರು ವಶಕ್ಕೆ

ಮಂಗಳೂರು: ಅಪ್ಪರ್‌ ಬೆಂದೂರಿನ ರಸ್ತೆ ಬದಿಯಲ್ಲಿ ಫುಡ್‌ ಡೆಲಿವರಿ ಬ್ಯಾಗ್‌ನಲ್ಲಿ ಗಾಂಜಾ ಇಟ್ಟುಕೊಂಡು ಮಾರಾಟ ಮಾಡುತ್ತಿದ್ದ ಇಬ್ಬರು ಯುವಕರನ್ನು ಕದ್ರಿ ಠಾಣೆಯ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಕೇರಳದ ತೃಶ್ಶೂರ್‌ ಜಿಲ್ಲೆಯ ಮಹಮ್ಮದ್‌ ಜಾಸೀಮ್‌ ಕೆ.ಎ. (20) ಮತ್ತು ಕೊಲ್ಲಂ ಜಿಲ್ಲೆಯ ಅಲ್‌ ಅನೀಶ್‌ (21) ಬಂಧಿತರು. ಅಪ್ಪರ್‌ ಬೆಂದೂರು 1ನೇ ಕ್ರಾಸ್‌ ಮೋಹನ್‌ಬಾಗ್‌ ಹಿಂಬದಿಯಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದರು. ರಸ್ತೆಯಲ್ಲಿ ಸಂಚರಿಸುವ ವಿದ್ಯಾರ್ಥಿ ಗಳಿಗೆ ಗಾಂಜಾ ಮಾರಾಟ ಮಾಡಿ ಲಾಭ ಗಳಿಸುವ ಯೋಜನೆ ಹಾಕಿ ಕೊಂಡಿದ್ದರು.

ಬಂಧಿತರಿಂದ 40 ಸಾವಿರ ರೂ. ಮೌಲ್ಯದ 1.38 ಕೆ.ಜಿ. ಗಾಂಜಾ, ಡಿಜಿಟಲ್‌ ತೂಕ ಮಾಪನ, ಸ್ಕೂಟರ್‌, ಎರಡು ಮೊಬೈಲ್‌ ಫೋನ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.